---

Número do Dog:

227

Páxina do Dog:

18.733

Data da Disposición:

16 de novembro de 2007

Sección:

IV. OPOSICIÓNS E CONCURSOS

Organismo:

SERVIZO GALEGO DE SAÚDE

Rango:

Resolución

Título:

Resolución do 16 de novembro de 2007, da División de Recursos Humanos e Desenvolvemento Profesional, pola que se fai público o lugar e a data de realización do segundo exercicio da fase de oposición das categorías do grupo técnico da función administrativa e do grupo de xestión da función administrativa de persoal estatutario deste organismo.

Resolución do 16 de novembro de 2007, da División de Recursos Humanos e Desenvolvemento Profesional, pola que se fai público o lugar e a data de realización do segundo exercicio da fase de oposición das categorías do grupo técnico da función administrativa e do grupo de xestión da función administrativa de persoal estatutario deste organismo.

O número 4 da base sexta da resolución da Secretaría Xeral do Servizo Galego de Saúde do 8 de agosto de 2006 (DOG nº 155, do 14 de agosto) pola que se convoca concurso-oposición para o ingreso en determinadas categorías de persoal estatutario do Servizo Galego de Saúde, prevé que os exercicios de oposición da fase de selección se realizaran nun lugar e á hora anunciada no Diario Oficial de Galicia, cun mínimo de cinco días naturais de antelación.

Adoptado acordo polos respectivos tribunais sobre o lugar, a data e a hora de realización do segundo exercicio da fase de oposición, procede agora darlle publicidade no DOG, polo que este centro directivo

RESOLVE:
Primeiro.-Convocar os aspirantes que superaron o primeiro exercicio da fase de oposición do proceso selectivo das categorías do grupo técnico da función administrativa e do grupo de xestión da función administrativa de persoal estatutario do Servizo Galego de Saúde, convocado pola resolución da Secretaría Xeral do Servizo Galego de Saúde do 8 de agosto de2006 (DOG nº 155, do 14 de agosto) para a realización do segundo exercicio consonte a seguinte distribución:

Grupo técnico da función administrativa, día 30 de novembro de 2007, ás 12.00 horas.

Grupo de xestión da función administrativa, día 30 de novembro de 2007, ás 16.00 horas.

Segundo.-O exercicio realizarase na Escola Galega de Administración Sanitaria, avda. Fernando de Casas Novoa, nº 37. Edificio CNL. Portal A-B. 1º andar, San Lázaro, Santiago de Compostela.

Os aspirantes terán que ir provistos necesariamente do documento nacional de identidade ou documento fidedigno acreditativo da súa identidade e de bolígrafo azul ou negro.

Non se permitirá no recinto onde se realice o exercicio o acceso e posesión de teléfonos móbiles, axendas electrónicas e calquera outro soporte con memoria.

O chamamento é único, polo que se excluirá deste proceso a quen non compareza por calquera causa.

Terceiro.-Esta resolución poderá ser impugnada polos interesados nos termos previstos no número 2 da base décima da citada convocatoria.

Santiago de Compostela, 16 de novembro de 2007.
Antonio José Fernández Paniagua
Director xeral da División de Recursos Humanos
e Desenvolvemento Profesional

---

© Xunta de Galicia
Información mantida pola Xunta de Galicia
Servizo prestado pola Consellería de Presidencia, AA.PP. e Xustiza
Correo electrónico: webdogaxunta.es