---

Número do Dog:

43

Páxina do Dog:

3.522

Data da Disposición:

18 de febreiro de 2008

Sección:

III. OUTRAS DISPOSICIÓNS

Organismo:

INSTITUTO GALEGO DE CALIDADE ALIMENTARIA

Rango:

Resolución

Título:

Resolución do 18 de febreiro de 2008 pola que se delegan funcións no director do Instituto Galego de Calidade Alimentaria.

Resolución do 18 de febreiro de 2008 pola que se delegan funcións no director do Instituto Galego de Calidade Alimentaria.

O Decreto 259/2006, do 28 de decembro, creou o Instituto Galego de Calidade Alimentaria (Ingacal), como un ente de dereito público dos previstos no artigo 12.1º b) do texto refundido da Lei de réxime financeiro e orzamentario de Galicia, aprobado polo Decreto 1/1999, do 7 de outubro.

Ao abeiro das funcións asignadas á Presidencia no artigo 8 do Decreto 259/2006, do 28 de decembro, polo que se aproba o Regulamento do ente público Instituto Galego de Calidade Alimentaria (Ingacal) e tendo en conta o disposto no artigo 13 da Lei 30/1992, do 26 de novembro, de réxime xurídico das administracións públicas e do procedemento administrativo común,

RESOLVO:
Delegar no director do Ingacal a facultade de ser o órgano de contratación do instituto, correspondéndolle polo tanto a facultade de celebrar convenios e contratos, sen prexuízo do establecido na letra d) do artigo 6 do Decreto 259/2006, do 28 de decembro, no relativo ás competencias do consello de dirección nesta materia.

Santiago de Compostela, 18 de febreiro de 2008.
Alfredo Suárez Canal
Presidente do Instituto Galego
de Calidade Alimentaria

---

© Xunta de Galicia
Información mantida pola Xunta de Galicia
Servizo prestado pola Consellería de Presidencia, AA.PP. e Xustiza
Correo electrónico: webdogaxunta.es