Resolución do 15 de setembro de 2009 pola que se modifican as bases reguladoras das axudas a pemes, autónomos e particulares para a renovación de automóbiles con achatarramento de automóbiles antigos-Plan Remóvete.

Diario Oficial de Galicia

mércores, 23 de setembro de 2009

III. OUTRAS DISPOSICIÓNS

Número do Dog:

187

Páxina do Dog:

15.187

Data da Disposición:

15 de setembro de 2009

Sección:

III. OUTRAS DISPOSICIÓNS

Organismo:

INSTITUTO GALEGO DE PROMOCIÓN ECONÓMICA

Rango:

Resolución

Título:

Resolución do 15 de setembro de 2009 pola que se modifican as bases reguladoras das axudas a pemes, autónomos e particulares para a renovación de automóbiles con achatarramento de automóbiles antigos-Plan Remóvete.

Mediante Resolución do 30 de xuño de 2009 publicouse o acordo do Consello de Dirección do Igape, adoptado na súa reunión do día 2 de xuño de 2009, que aprobou as bases reguladoras das axudas do Igape ás pemes, autónomos e particulares para a renovación de automóbiles con achatarramento de automóbiles antigos (Plan Remóvete Galicia) (DOG número 130, do 6 de xullo).

O artigo 9.1º das citadas bases establece que unha vez presentada a solicitude de axuda, as entidades colaboradoras poderán formalizar a compravenda cos beneficiarios e, no prazo improrrogable de tres meses desde a notificación da axuda, presentar no Igape a solicitude de cobramento desta.

Dado o incremento de vendas que se vén producindo no sector automobilístico, en parte incentivado polas axudas do Plan Remóvete, estanse a producir determinadas demoras no aprovisionamento de vehículos por parte dos fabricantes para a súa venda polas entidades colaboradoras. A dita demora supera en moitos casos os tres meses de espera unha vez realizada a compra.

Ante esta situación, o Consello de Dirección do Igape, na súa reunión do 14 de setembro, decidiu a ampliación de tres a seis meses o prazo previsto no artigo 9.1º.

Visto o exposto anteriormente e de conformidade coas facultades que teño conferidas,

RESOLVO:

Primeiro.-Publicar a modificación do artigo 9.1º das bases reguladoras das axudas a pemes, autónomos e particulares para a renovación de automóbiles con achatarramento de automóbiles antigos (DOG número 130, do 6 de xullo), o cal quedaría redactado do seguinte xeito:

«9.1. Unha vez presentada a solicitude de axuda, as entidades colaboradoras poderán formalizar a compravenda cos beneficiarios e, no prazo improrrogable de seis meses dende a notificación da concesión da axuda, presentar no Igape a solicitude de cobramento desta».

Segundo.-Esta resolución entrará en vigor o mesmo día da súa publicación no Diario Oficial de Galicia e aplicarase a aqueles expedientes en tramitación.

Santiago de Compostela, 15 de setembro de 2009.

Joaquín Varela de Limia de Cominges
Director xeral do Instituto Galego de Promoción Económica

© Xunta de Galicia
Información mantida pola Xunta de Galicia
Servizo prestado pola Consellería de Presidencia, AA.PP. e Xustiza
Correo electrónico: webdogaxunta.es