¿Que é a Guía do Cidadán?
É unha guía de procedementos administrativos nos que se ofrece información clara e concisa (obxecto, normativa, documentación, solicitude e directorio de unidades xestoras), dos distintos procedementos administrativos, de interese para o cidadán, xestionados polas diferentes consellerías da Xunta de Galicia.
¿Cales son os criterios de busca?
Os criterios establecidos clasifícanse por:
- materia
- perfil do cidadán que solicita información
- tipo de procedemento
- consellería
- e finalmente por un texto libre de busca
A busca pode realizarse por varios criterios á vez (por exemplo: perfil do solicitante: agricultor, tipo de precedementos: subvencións, consellería: Política Agroalimentaria e Desenvolvemento Rural), xa que non son excluíntes, se ben debe vostede ter en conta que o abanico de resultados será maior canto menos se acote a busca.
Finalmente, lembre que o contido da Guía do Cidadán ten carácter informativo para quen o solicite e, polo tanto, en ningún caso entrañará unha interpretación normativa á que se refire o artigo 37.10º da Lei 30/1992, do 26 de novembro, de réxime xurídico das administracións públicas e do procedemento administrativo común.