A Orde do 30 de xullo de 1997, conxunta das consellerías de Agricultura, Gandaría e Montes e de Sanidade e Servizos Sociais, pola que se establece na Comunidade Autónoma de Galicia a normativa reguladora para a homologación de cursos de capacitación para realizar tratamentos con praguicidas, así como para a obtención do carné de manipuladores destes produtos, establece no seu artigo 8.6 que os ministerios de Agricultura, Pesca e Alimentación e de Sanidade e Consumo comunicarán, aos organismos responsables na comunidade autónoma, a homologación dos ditos cursos, e no seu artigo 9 a obrigatoriedade de que o organismo oficial responsable publique no Diario Oficial de Galicia a información correspondente a cada curso que se vai realizar.
En consecuencia, anúnciase a realización dun curso de aplicador/manipulador de biocidas, nivel básico, homologado polas direccións xerais de Saúde Pública do Ministerio de Sanidade e Política Social e de Agricultura do Ministerio de Medio Ambiente, Rural e Mariño, solicitado por Cacumen Lugo, S.L.U., de acordo coas seguintes bases:
1. Denominación do curso:
Curso para a capacitación de aplicadores/manipuladores de produtos biocidas. Nivel básico.
2. Entidade organizadora:
Cacumen Lugo, S.L.U.
3. Data:
Do 6 ao 27 de xuño de 2011.
4. Lugar de celebración:
Cacumen Lugo, S.L.U.
R/ Concepción Arenal, 18, 1.º, 27004 Lugo.
5. Número de prazas:
Máximo 20 alumnos.
6. Horario:
Das 9.00 ás 14.00 h.
7. Duración:
20 horas teórico/prácticas e 1 hora proba de avaliación.
8. Dirixido a:
Todo o persoal auxiliar das empresas que apliquen e/ou manipulen produtos biocidas.
9. Criterios de selección:
Por rigorosa orde de solicitude de inscrición.
10. Programa:
6.6.2011 |
9.00 – 11.00 h |
Praguicidas. Descrición e clasificación dos distintos tipo de praguicidas. Riscos derivados da manipulación de praguicidas. |
11.00 – 14.00 h |
Principais pragas. Pragas ambientais. Loita contra as pragas ambientais. Métodos de loita antivectorial. |
|
13.6.2011 |
9.00 – 11.00 h |
Técnicas de aplicación de praguicidas. Praguicidas e ambiente. Problemas de destrución de envases. |
11.00 – 14.00 h |
Hixiene e seguridade na manipulación de praguicidas. Intoxicación, prevención, diagnóstico e primeiros auxilios. |
|
20.6.2011 |
9.00 – 14.00 h |
Prácticas: as principais pragas e métodos de loita. Métodos de prevención contra pragas. |
27.6.2011 |
9.00 – 11.00 h |
Prácticas: uso axeitado dos medios de protección persoal. Aplicación de distintos métodos de loita contra as pragas ambientais. Técnicas de aplicación de praguicidas. Destrución de envases. |
11.00 – 14.00 h |
Prácticas: actuación e primeiros auxilios ante intoxicacións por praguicidas. |
|
14.00 – 15.00 h |
Exame tipo test. |
11. Certificado de superación do curso:
É obrigatoria a asistencia a todas as sesións do curso. Finalizado este, a entidade organizadora realizará as probas pertinentes que avalíen os coñecementos adquiridos polo alumnos e, en caso de superalas, expedirá o certificado correspondente con que poderá solicitarlle á Dirección Xeral de Innovación e Xestión da Saúde Pública da Consellería de Sanidade o carné de aplicador/manipulador de biocidas, nivel básico.
Santiago de Compostela, 11 de maio de 2011.
Manuel Antonio Varela Rey
Director xeral de Innovación e Xestión da Saúde Pública
ANEXO I
Ficha de solicitude de inscrición
Curso para a capacitación de aplicadores/manipuladores de produtos biocidas. Nivel básico
Entidade organizadora:
Cacumen Lugo, S.L.U.
Datas:
Do 6 ao 27 de xuño de 2011.
Lugar de realización do curso:
Instalacións de Cacumen Lugo, S.L.U.
R/ Concepción Arenal, 18, 1.º, 27004 Lugo.
Duración:
20 horas teórico/prácticas e 1 hora de avaliación.
Horario:
Das 9.00 ás 14.00 h.
N.º de prazas:
Máximo 20 alumnos.
Información e inscricións:
Cacumen Lugo, S.L.U., r/ Concepción Arenal, 18, 1.º, 27004 Lugo. Tel.: 982 24 39 44, fax: 982 28 41 61, e-mail: cacumen@cacumenlugo.com
Criterio de selección:
Por rigorosa orde de solicitude.