DOG 137 do 18/07/2011 - ORDE do 4 de xullo de 2011 pola que se fixan os prezos privados que percibirá a Xunta de Galicia a través do Laboratorio de Consumo de Galicia.

I. Disposicións xerais

Consellería de Economía e Industria

ORDE do 4 de xullo de 2011 pola que se fixan os prezos privados que percibirá a Xunta de Galicia a través do Laboratorio de Consumo de Galicia.

A Lei 6/2003, do 9 de decembro, de taxas, prezos e exaccións reguladoras da Comunidade Autónoma de Galicia, establece no capítulo III do título II o que se entende por prezos privados. No artigo 50 do referido texto establécese que «Son prezos privados as contraprestacións que obteñan os suxeitos a que se refire o artigo 3 desta lei pola prestación de servizos ou a realización de actividades efectuadas en réxime de dereito privado cando, prestando tamén tales servizos ou actividades o sector privado, sexan de solicitude voluntaria por parte dos administrados».

A lexislación en materia de consumo, a través principalmente da Lei 44/2006, do 29 de decembro, de mellora da protección dos consumidores e usuarios, e da Lei 12/1984, do 28 de decembro, do Estatuto galego do consumidor e usuario, recolle amplamente o dereito do consumidor e usuario á protección da súa saúde e dos seus intereses económicos e sociais.

No cumprimento deste obxectivo, o Laboratorio de Consumo de Galicia actúa como órgano de apoio para empresas ou organismos preocupados por garantir a calidade e seguridade dos produtos que ofrecen, así como de particulares que os adquiran, para o que aplicará prezos privados de acordo co establecido na Lei 6/2003, do 9 de decembro, de taxas, prezos e exaccións reguladoras da Comunidade Autónoma de Galicia. A dita lei no seu artigo 51 sinala a obriga de que os prezos privados sexan fixados polas consellerías correspondentes, logo de informe favorable da Consellería de Economía e Facenda, e publicados no Diario Oficial de Galicia.

En virtude de todo isto, por proposta da presidenta do Instituto Galego de Consumo, organismo autónomo a que está adscrito o Laboratorio de Consumo de Galicia, e logo do informe da Consellería de Facenda,

DISPOÑO:

Artigo 1.

Atendendo ás condicións e circunstancias do mercado, fíxanse os prezos privados que se van cobrar no Laboratorio de Consumo de Galicia como consecuencia da contraprestación percibida pola realización dos ensaios seguintes de interese directo na determinación dos cumprimentos de calidade e seguridade dos produtos, segundo as normas vixentes en cada materia (UNE, EN, ISO, etc.):

a) Ensaios de tipo químico.

b) Ensaios de produtos téxtiles.

c) Ensaios de seguridade dos xoguetes.

d) Ensaios de seguridade de artigos de puericultura.

e) Ensaios de seguridade en electrodomésticos en xeral.

f) Ensaios en pilas e acumuladores.

g) Ensaios de seguridade en aparellos eléctricos: bases e chavetas de uso doméstico.

h) Ensaios en produtos electrónicos.

Artigo 2.

Estes prezos entenderanse, de ser o caso, co IVE incluído.

Artigo 3. Exencións.

Os organismos da Administración pública da Xunta de Galicia, definidos no artigo 3 da Lei 6/2003, de taxas, prezos e exaccións reguladoras da Comunidade Autónoma de Galicia, non estarán suxeitos a esta orde.

Disposición derrogatoria.

Queda derrogada a Orde do 12 de marzo de 2004 pola que se fixan os prezos privados que percibirá a Xunta de Galicia no Laboratorio de Consumo de Galicia, e tamén cantas disposicións de igual ou inferior rango se opoñan ao disposto nesta orde.

Disposición derradeira.

Esta orde entrará en vigor o día seguinte ao da súa publicación no Diario Oficial de Galicia.

Santiago de Compostela, 4 de xullo de 2011.

Javier Guerra Fernández
Conselleiro de Economía e Industria

ANEXO
Ensaios e prezos (en euros)

(*) Consultar alcance e/ou dispoñibilidade.

(**) É obrigatoria a realización deste punto previamente a calquera ensaio do produto.

	I. Comúns a distintos grupos de produtos industriais.
1	Elaboración de informe	35,10
2	Etiquetaxe (*)	15,60
3	Ensaios non incluídos nesta relación de prezos (*)	163,80
	II. Produtos. Análises químicas.
4	Etiquetaxe (*)	23,40
5	Preparación de mostra (dixestión, filtración, extracción Soxhlet...) (*)	46,80
6	Análises consistentes en medicións directas con instrumental sinxelo ou reaccións cualitativas (*)	23,40
7	Identificación e/ou cuantificación mediante técnicas non instrumentais (*)	35,10
8	Identificación e/ou cuantificación mediante técnicas espectrofotométricas (*)	46,80
9	Identificación e/ou cuantificación mediante cromatografía de gases/espectrometría de masas. 1 a 10 analitos (*)	187,20
10	Identificación e/ou cuantificación mediante espectroscopía de emisión con fontes de plasma con acoplamento indutivo (ICP). 1 a 10 metais (*)	187,20
11	Ensaios non incluídos nesta relación de prezos (*)	187,20
	III. Produtos téxtiles.
12	Etiquetaxe	11,70
	A. Identificación de fibras e composición
13	Observación microscópica: sección lonxitudinal	11,70
14	Observación microscópica: sección transversal	11,70
15	Observación microscópica: fotomicrografía	11,70
16	Identificación por solubilidade	23,40
17	Identificación de fibras téxtiles: microscopía e solubilidade	23,40
18	Análise química cuantitativa de mesturas binarias de fibras téxtiles (Métodos 1, 2, 4 e 7. UNE 40-110)	148,53
19	Análise química cuantitativa de mesturas binarias ou ternarias de fibras téxtiles	140,40
	B. Estrutura e características físicas e químicas
20	Masa por unidade de lonxitude e por unidade de superficie dos tecidos	23,40
21	Masa dos fíos de urdidura e de trama por unidade de superficie nun tecido	23,40
22	Densidade lineal (número ou título) dos fíos dun tecido	23,40
23	Densidade dos tecidos: n.º de fíos/cm	23,40
24	Variacións dimensionais dos tecidos en auga fría	35,10
25	Determinación da resistencia á abrasión dos tecidos (método Martindale)	140,40
26	Determinación da tendencia á formación de peluxe e de boliñas (pilling) (método Martindale modificado)	140,40
27	Comportamento ao lume de tecidos para indumentaria	46,80
	C. Solidez das tinturas
28	Solidez das tinturas ao lavado doméstico e comercial (Ensaios A1 e B1. UNE-NISO 105-C06)	43,23
29	Solidez das tinturas ao lavado doméstico e comercial	35,10
30	Solidez das tinturas á limpeza en seco (UNE-NISO 105-D01)	43,23
31	Solidez das tinturas á auga clorada	35,10
32	Solidez das tinturas á auga (UNE-NISO 105-E01)	39,33
33	Solidez das tinturas á auga de mar (UNE-NISO 105-E02)	39,33
34	Solidez das tinturas á transpiración (UNE-NISO 105-E04)	39,33
35	Solidez das tinturas á frega con tetracloroetileno (UNE-NISO 105-D02)	31,53
36	Solidez das tinturas á frega	23,40
37	Solidez das tinturas ao branqueo: hipoclorito	23,40
38	Solidez das tinturas ao branqueo: peróxido	23,40
39	Solidez das tinturas á gota de auga	23,40
	D. Ensaios de tracción
40	Fíos enrolados. Determinación da forza de rotura e da prolongación na rotura de fíos individuais	35,10
41	Costuras de tecidos e de artigos téxtiles confeccionados. Determinación da forza máxima ata a rotura das costuras polo método da tira	35,10
42	Téxtiles. Determinación da forza máxima e da prolongación na rotura polo método da tira	35,10
	E. Seguridade das pezas
43	Ensaio de tracción de botóns e pezas pequenas	46,80
44	Cordóns ou cordas axustables	11,70
	IV. Seguridade dos xoguetes.
45	Etiquetaxe específica de xoguetes	54,93
	A. Propiedades físicas e mecánicas (EN 71-1)
46	Determinación de partes pequenas	23,58
47	Ensaio de torsión	35,10
48	Ensaio de tracción	35,10
49	Ensaio de caída	23,58
50	Ensaio de envorcado	15,44
51	Ensaio de impacto	23,58
52	Ensaio de compresión	35,10
53	Ensaio de imbibición	43,23
54	Accesibilidade dun elemento ou peza	23,40
55	Acuidade dos bordos	31,53
56	Acuidade das puntas	31,53
57	Flexibilidade dos arames (*)	93,60
58	Materiais expandibles	46,80
59	Estanquidade de xoguetes que conteñen líquidos	93,60
60	Forma xeométrica de certos xoguetes	23,58
61	Durabilidade dos xoguetes accionados pola boca (*)	70,20
62	Mecanismos despregables ou desprazables	70,20
63	Resistividade eléctrica das cordas	35,10
64	Espesor das cordas (*)	35,10
65	Resistencia estática (*)	23,40
66	Estabilidade	23,40
67	Determinación da enerxía cinética	23,40
68	Láminas de plástico	35,10
69	Resistencia das barras de dirección do patinete de xoguete	93,60
70	Determinación dos niveis de presión sonora de emisión (*)	46,80
71	Determinación da velocidade de xoguetes eléctricos destinados a manterse	58,50
72	Medida da elevación da temperatura	58,50
73	Tapadeiras dos cofres de xoguete (*)	23,40
74	Ensaio de bólas pequenas e de ventosas	15,44
75	Ensaio de figuras para xogar	15,44
76	Ensaio de tracción para imáns (*)	70,20
	B. Inflamabilidade (EN 71-2)
77	Ensaio de inflamabilidade	46,80
	C. Xogos de experimentos químicos (EN 71-4)
78	Xoguete completo	234,00
79	Marcas, indicacións e folla de instrucións	31,53
80	Potencia absorbida	27,30
81	Quentamentos e funcionamento anormal	195,00
82	Rixidez dieléctrica á temperatura de réxime	54,60
83	Rixidez dieléctrica á temperatura ambiente	39,00
84	Resistencia mecánica	19,50
85	Construción	31,20
86	Protección dos cables e condutores	27,30
87	Liñas de fuga e distancia no aire	54,60
	V. Seguridade dos artigos de puericultura.
88	Etiquetaxe específica de artigos de puericultura	46,80
	A. Chupetes. Requisitos xerais de seguridade (UNE-EN 1400-1)
89	Construción	140,40
	B. Chupetes. Ensaios mecánicos (UNE-EN 1400-1)
90	Ensaio de resistencia ao impacto	15,44
91	Ensaio de resistencia á perforación	35,10
92	Ensaio de resistencia ao rachado	46,80
93	Ensaio de retención do tirador, obturador e/ou cuberta	58,50
94	Ensaio de resistencia á mordida	93,60
95	Ensaio de resistencia á rotación	58,50
96	Ensaios de integridade	70,20
	C. Broches para chupetes (UNE-EN 12586:2008)
97	Requisitos (*)	117,00
98	Preparación das mostras e condicións xerais de ensaio (**)	35,10
99	Medición da lonxitude	35,10
100	Medición do largo (*)	58,50
101	Resistencia ao impacto	15,44
102	Ensaios de resistencia á tracción	70,20
103	Ensaio de aprisionamento de dedos	15,44
104	Ensaios de guías	15,44
	D. Artigos para a alimentación líquida (UNE-EN 14350-1:2005)
105	Requisitos (*)	117,00
106	Preparación das mostras (**)	35,10
107	Ensaio de resistencia á rotura	58,50
108	Ensaio de precisión volumétrica	58,50
109	Ensaio de choque térmico	58,50
110	Ensaio das galgas	15,44
111	Ensaio de seguridade/retención (*)	70,20
112	Ensaio de flexibilidade	58,50
	E. Parques para uso doméstico. Requisitos de seguridade (UNE-EN 12227-1:2000)
113	Materiais: madeira, superficies, metal e inflamabilidade (*)	117,00
114	Construción	280,80
115	Embalaxe	35,10
	E. Parques para uso doméstico. Ensaios (UNE-EN 12227-2:2000)
116	Montaxe e inspección previas aos ensaios (**)	140,40
117	Inspección	93,60
118	Medidas	234,00
119	Cortes e esmagamentos	93,60
120	Estribo	70,20
121	Elementos desmontables	58,50
122	Ensaio de mordida	93,60
123	Comprobación de partes saíntes, ocos e aberturas	23,40
124	Resistencia (*)	234,00
125	Ensaio de estabilidade	23,40
126	Rodas pequenas/rodas	15,44
	VI. Electrodomésticos en xeral (UNE-EN 60335-1).
127	Marcas, indicacións e follas de instrucións	23,40
128	Protección contra os choques eléctricos	58,50
129	Potencia e intensidade absorbidas	27,30
130	Quentamentos	86,58
131	Illamento eléctrico e corrente de fuga a temperatura de réxime	58,50
132	Rixidez dieléctrica	39,00
133	Estabilidade e perigos mecánicos	35,10
134	Resistencia mecánica	19,50
135	Construción	173,16
136	Conexión á rede de cables flexibles exteriores	101,40
137	Dispositivos para a posta a terra	42,90
	VII. Pilas e acumuladores (UNE-EN 60068) (*).
138	Dimensións	23,40
139	Características da descarga a 20 ºC	93,60
140	Características da descarga a 20 ºC para elementos de carga rápida	93,60
141	Conservación da carga	234,00
142	Sobrecarga	93,60
143	Sobrecarga elementos carga rápida	93,60
144	Funcionamento do dispositivo de seguridade	70,20
145	Almacenamento	468,00
	VIII. Aparellos eléctrico. Bases e chavetas para uso doméstico.
146	Marcas e indicacións	23,40
147	Verificación das dimensións	88,92
148	Protección contra os choques eléctricos	60,84
149	Dispositivos de posta a terra	42,90
150	Resistencia ao illamento	66,30
151	Resistencia á calor	93,60
152	Quentamentos	78,00
	IX. Equipamentos electrónicos.
153	Funcionamento xeral	23,40
154	Carga e duración da batería	46,80
155	Inspección microscópica exterior	23,40
156	Inspección microscópica interior	70,20
157	Outras determinacións	117,00
159	Funcionamento xeral	46,80
160	Carga e duración da batería	46,80
161	Inspección microscópica exterior	23,40
162	Inspección microscópica interior	93,60