De conformidade co establecido no artigo 15.1 da Lei 9/2007, do 13 de xuño, de subvencións de Galicia, e no artigo 14 da Orde do 15 de marzo de 2011, da Consellería de Presidencia, Administracións Públicas e Xustiza, pola que se anuncian axudas económicas destinadas ao fomento do asociacionismo municipal a través de mancomunidades de municipios e consorcios locais, publicarase no Diario Oficial de Galicia a relación das concedidas con expresión da convocatoria, o programa e crédito orzamentario a que se imputen, o beneficiario, a cantidade concedida e a finalidade da subvención.

Na súa virtude,

RESOLVO:

Publicar no Diario Oficial de Galicia as axudas concedidas por resolución da Consellería de Presidencia, Administracións Públicas e Xustiza do 15 de xullo de 2011, destinadas ao fomento do asociacionismo municipal a través de mancomunidades de municipios e consorcios locais, cun importe total de 140.000,00 euros, con cargo á aplicación orzamentaria 05.03.141A.460.1, nas contías e beneficiarios que se relacionan no anexo desta resolución.

Santiago de Compostela, 26 de xullo de 2011.

José Norberto Uzal Tresandí
Director xeral de Administración Local

ANEXO
Relación de axudas destinadas ao fomento do asociacionismo municipal a través de mancomunidades de municipios e consorcios locais