Descargar PDF Galego | Castellano

DOG - Xunta de Galicia -

Diario Oficial de Galicia
DOG Núm. 240 Luns, 19 de decembro de 2011 Páx. 37194

III. Outras disposicións

Universidade de Santiago de Compostela

RESOLUCIÓN do 9 de decembro de 2011 pola que se publica a oferta de emprego público (OPE) do persoal de administración e servizos para o ano 2011.

Conforme o disposto no artigo 70 da Lei 7/2007, do 12 de abril, do Estatuto básico do empregado público; no artigo 29 da Lei 14/2010, do 27 de decembro, de orzamentos xerais da Comunidade Autónoma de Galicia para o ano 2011, así como nos estatutos da Universidade de Santiago de Compostela, logo da negociación cos órganos de representación do persoal de administración e servizos,

resolvo:

Primeiro. Publicar a oferta de emprego público do persoal de administración e servizos da USC para o ano 2011.

Segundo. Esta OPE inclúe as necesidades de recursos humanos con asignación orzamentaria que non poden ser cubertas cos efectivos de persoal existentes, segundo se detalla no anexo, todo dentro do contexto global de restrición orzamentaria que afecta todas as administracións públicas.

Terceiro. A planificación dos recursos humanos na USC oriéntase á atención das unidades prioritarias, á correcta dimensión do volume de efectivos, á mellora na distribución e capacitación dos efectivos para unha máis eficaz prestación dos servizos e a potenciar a estabilidade no emprego.

Cuarto. As convocatorias das probas selectivas de acceso libre derivadas da presente oferta publicaranse no Diario Oficial de Galicia e no Boletín Oficial del Estado, para garantir a publicidade exixida no artigo 75.2 da Lei 6/2001, do 21 de decembro, de universidades, e executaranse dentro do prazo máximo previsto no artigo 70 do Estatuto básico do empregado público.

Quinto. Coa finalidade de dar unha maior difusión das distintas convocatorias de probas selectivas derivadas desta oferta de emprego, así como dos actos que deriven delas, na páxina web da USC (www.usc.es) pódese consultar, dentro do Servizo de Planificación e Programación de PAS, o sitio dedicado a convocatorias de procesos selectivos.

Santiago de Compostela, 9 de decembro de 2011.

Juan José Casares Long
Reitor da Universidade de Santiago de Compostela

ANEXO

Oferta de emprego público da Universidade de Santiago de Compostela

Ano 2011

Persoal laboral.

a) Promoción interna:

Grupo

Categoría

Prazas

II

Diplomado en enfermaría

1

II

Enxeñeiro técnico industrial

1

II

Técnico prevención de riscos laborais, especialidades: seguridade no traballo, hixiene industrial, ergonomía e psicosocioloxía aplicada

1

II

Técnico prevención de riscos laborais, especialidade: seguridade no traballo

1

II

Técnico prevención de riscos laborais, especialidades: seguridade no traballo ou hixiene industrial ou ergonomía e psicosocioloxía aplicada

1

III

Técnico especialista informática, especialidade desenvolvemento de sistemas

1

IV

Oficial de servizos

5

IV

Especialistas de oficios: calefactor

1

Total prazas promoción interna

12

b) Quenda libre:

Grupo

Categoría

Prazas

IV

Oficial de servizos

5

Total prazas quenda libre

5

Persoal funcionario

a) Promoción interna:

Subgrupo

Escala

Prazas

C1

Administrativa

8

Total prazas promoción interna

8

b) Quenda libre:

Subgrupo

Escala

Prazas

C1

Auxiliar de archivos, bibliotecas e museos

1

Total prazas quenda libre

1