Descargar PDF Galego | Castellano

DOG - Xunta de Galicia -

Diario Oficial de Galicia
DOG Núm. 32 Mércores, 15 de febreiro de 2012 Páx. 5936

II. Autoridades e persoal

a) Cesamentos

Presidencia da Xunta de Galicia

DECRETO 69/2012, do 9 de febreiro, polo que se dispón o cesamento de membros do Consello Económico e Social de Galicia.

En virtude do establecido nos artigos 9.1, inciso segundo, e 10.f) da Lei 6/1995, do 28 de xuño, pola que se crea o Consello Económico e Social de Galicia (DOG n.º 133, do 12 de xullo), e nos artigos 8 e 9.e) do Regulamento de réxime interno deste (DOG n.º 114, do 11 de xuño de 1996), e de acordo coas propostas efectuadas polo S.N. de CC.OO. de Galicia e a Confederación de Empresarios de Galicia,

DISPOÑO:

Artigo 1.

Que cese como membro titular do Consello Económico e Social de Galicia Melchor Roel López, en representación do S.N. de CC.OO. de Galicia.

Artigo 2.

Que cese como membro suplente do Consello Económico e Social de Galicia Alfonso Varela Vázquez, en representación da Confederación de Empresarios de Galicia.

Santiago de Compostela, nove de febreiro de dous mil doce.

Alberto Núñez Feijóo
Presidente