Manuel Rodríguez Varela, presentou neste concello, solicitude de licenza de obra e actividade con expediente número 5926/10, para un establecemento de fabricación de produtos químicos, sito na parcela P-7, naves 3 e 4 do PI Lalín 2000, deste municipio de Lalín.
De conformidade co disposto no artigo 8.3 do Decreto 133/2008, do 12 de xuño, polo que se regula a avaliación de incidencia ambiental, sométese a información pública o expediente referenciado, durante un prazo de vinte días contados desde o día seguinte ao da publicación deste edicto, para os efectos de que se poida examinar o expediente no Departamento de Urbanismo deste concello e de que formulen os interesados as alegacións que consideren convenientes.
Lalín, 16 de febreiro de 2012.
Xosé Crespo Iglesias
Alcalde