A directora da Axencia de Protección da Legalidade Urbanística ditou, o día 23 de febreiro de 2012, resolución do expediente sancionador 107 C 2011/62-0, pola que se acorda impoñer unha sanción consistente en multa a Ramón Jiménez Montoya pola realización das obras consistentes na construción dun muro de formigón e dunha estrutura de piares e cimbras, na rúa Carballo, parroquia de Vilar, termo municipal de Ferrol, provincia da Coruña.

Ao non poderse realizar a notificación persoal daquela resolución a Mario M. Sánchez Trigo, na súa condición de representante do interesado, mediante esta cédula, e ao abeiro do disposto no artigo 59.5 da Lei 30/1992, de réxime xurídico das administracións públicas e do procedemento administrativo común (LRXPAC), notifícaselle ao representante a devandita resolución.

Tendo en conta que, en atención ao previsto no artigo 61 da LRXPAC, o acto non se publica na súa integridade, fáiselle saber ao representante que o texto íntegro da resolución que se notifica encóntrase ao seu dispor nas dependencias da Axencia de Protección da Legalidade Urbanística sitas no edificio Witland, Salgueiriños, en Santiago de Compostela, para a súa consulta no prazo de 10 días hábiles, que se contarán desde o día seguinte ao da publicación desta cédula. Transcorrido o devandito prazo, a notificación entenderase producida.

Contra a dita resolución, que pon fin á vía administrativa, o interesado pode interpoñer recurso de reposición no prazo dun mes, contado a partir do día seguinte a aquel en que se teña producido a notificación, ante a directora da Axencia de Protección da Legalidade Urbanística, ou ben, se non exerce o seu dereito a presentar recurso potestativo de reposición, pode interpoñer directamente recurso contencioso-administrativo, no prazo de dous meses, ante o Xulgado do Contencioso-Administrativo de Santiago de Compostela, ou ante o xulgado da circunscrición onde o recorrente teña o seu domicilio, conforme o disposto no artigo 14, regra segunda, da Lei 29/1998, reguladora da xurisdición contencioso-administrativa.

Para que conste, e lle sirva de notificación ao citado representante en cumprimento do disposto no artigo 59.5.º da citada Lei 30/1992, do 26 de novembro, expido e asino esta cédula.

Santiago de Compostela, 20 de marzo de 2012.

María Martínez Allegue
Directora da Axencia de Protección da Legalidade Urbanística