A Orde do 12 de setembro de 2012 (DOG núm. 180, do 20 de setembro) establece as bases polas que se rexerá a concesión das axudas correspondentes á prórroga do Programa Isidro Parga Pondal (nova adxudicación de 2009), no marco das accións de formación de investigadores do Programa de recursos humanos do Plan galego de investigación, desenvolvemento e innovación tecnolóxica-Incite (2006-2010) para o ano 2012, en réxime de concorrencia competitiva.

No artigo 2 da orde de convocatoria determínanse os requisitos que deberían cumprir os/as candidatos/as das axudas correspondentes á prórroga do Programa Isidro Parga Pondal (nova adxudicación de 2009).

As solicitudes admitidas, unha vez avaliadas por expertos externos ao Sistema Universitario de Galicia, coa colaboración da Axencia para a Calidade do Sistema Universitario de Galicia (ACSUG), a partir da documentación indicada no artigo 4 alíneas c), d) e e) das bases da convocatoria, foron estudadas pola Comisión de Selección establecida no artigo 6 das bases xerais da dita Orde do 12 de setembro de 2012.

En consecuencia, de acordo co establecido no artigo 7 das bases da convocatoria, e atendendo á proposta de concesión elevada pola citada Comisión de Selección, na súa reunión do 26 de novembro de 2012, a través da Secretaría Xeral de Universidades,

RESOLVO:

Primeiro. Conceder as axudas correspondentes á prórroga do Programa Isidro Parga Pondal (nova adxudicación 2009) que se relacionan no anexo.

Segundo. Todas as solicitudes que figuran no anexo desta resolución cumpren os requisitos establecidos nas bases da convocatoria.

Terceiro. As dezaoito axudas concedidas financiaranse con cargo aos orzamentos xerais da Comunidade Autónoma de Galicia para o ano 2012 e anos sucesivos, de acordo coa seguinte distribución segundo a estrutura de pagamentos recollida no artigo 8 da bases de convocatoria.

Aplicación orzamentaria	Universidade	Nº prazas	2012	2013	2014	2015	Total
15.40.561B.444.0	UDC	2	936,99	57.000	68.400	10.463,01	136.800
15.40.561B.444.0	USC	9	0	256.500	307.800	51.300	615.600
15.40.561B.444.0	UVigo	7	0	199.500	239.400	39.900	478.800
Totais		18	936,99	513.000	615.600	101.663,01	1.231.200

Cuarto. As axudas concedidas serán financiables polo FSE, no eixo 3, tema prioritario 74, no marco do Programa operativo FSE Galicia 2007-2013, nunha porcentaxe máxima do 80%. Por iso, as universidades beneficiarias das axudas e os/as solicitantes contratados/as deberán cumprir as normas recollidas no Regulamento (CE) 1828/2006, da Comisión, do 8 de decembro, polo que se fixan normas de desenvolvemento para o Regulamento (CE) 1083/2006, do Consello, polo que se establecen as disposicións xerais relativas ao Feder, ao FSE e ao Fondo de Cohesión; no Regulamento (CE) 1081/2006, do Parlamento Europeo e do Consello, do 5 de xullo, relativo ao FSE e polo que se derroga o Regulamento (CE) 1748/1999; as normas de información e publicidade dos fondos contidos no Regulamento 1828/2006, da Comisión, do 8 de decembro (L 371/1, DOUE do 27 de decembro), e no resto de normativa que resulte de aplicación.

Quinto. O artigo 8 da orde de convocatoria establece que as universidades serán as encargadas do pagamento dos correspondentes contratos, así como da presentación da xustificación ante a Secretaría Xeral de Universidades para o libramento das axudas.

Segundo o establecido no artigo 45.2 do Decreto 11/2009, do 8 de xaneiro, polo que se aproba o regulamento da Lei 9/2007, do 13 de xuño, de subvencións de Galicia, transcorrido o prazo establecido de xustificación sen que se presentase esta ante o órgano administrativo competente, este requirirá o beneficiario para que, no prazo improrrogable de dez días, a presente. A falta de presentación da xustificación comportará a perda do dereito ao cobramento parcial ou total da subvención, a exixencia do reintegro e demais responsabilidades establecidas na Lei de subvencións de Galicia.

Sexto. A inobservancia por parte dos/das beneficiarios/as de calquera das bases establecidas na orde de convocatoria do 12 de setembro de 2012 (DOG nº 180, do 20 de setembro) suporá a perda do dereito a percibir a axuda correspondente.

Sétimo. Contra esta resolución, que esgota a vía administrativa, os/as interesados/as poderán interpor recurso potestativo de reposición ante o conselleiro de Cultura, Educación e Ordenación Universitaria no prazo dun mes a partir do día seguinte ao da publicación da resolución no Diario Oficial de Galicia, segundo o disposto nos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común, ou directamente recurso contencioso-administrativo no prazo de dous meses ante a Sala do Contencioso-Administrativo do Tribunal Superior de Xustiza de Galicia, de conformidade cos artigos 19 e 46 da Lei 29/1998, do 13 de xullo, da xurisdición contencioso-administrativa.

Santiago de Compostela, 3 de decembro de 2012

Jesús Vázquez Abad
Conselleiro de Cultura, Educación e Ordenación Universitaria

ANEXO

Universidade da Coruña.

Exp.	1º apelido	2º apelido	Nome	NIF	Data de inicio da prórroga
56	Maseda	Rodríguez	Ana Belén	*****370K	27.12.2012
10	Sanjurjo	Sánchez	Jorge	*****772D	27.12.2012

Universidade de Santiago de Compostela.

Exp.	1º apelido	2º apelido	Nome	NIF	Data de inicio da prórroga
31	Antelo	Martínez	Juan	*****985T	1.1.2013
6	Arines	Piferrer	Justo	*****287X	1.1.2013
13	Csaba		Noémi Stefánia	*****869C	1.1.2013
18	Doallo	Pesado	Sonia	*****249T	1.1.2013
36	Gulías	Costa	Moisés	*****399N	1.1.2013
58	Nieto	Suárez	Marina	*****020Q	1.1.2013
15	Pichel	Campos	Juan Carlos	*****626Z	1.1.2013
37	Sanmartín	Barros	Israel	*****482J	1.1.2013
35	Sendón	García	Raquel	*****664Q	1.1.2013

Universidade de Vigo.

Exp.	1º apelido	2º apelido	Nome	NIF	Data de inicio da prórroga
34	Alonso	Gómez	José Lorenzo	*****871J	1.1.2013
59	Diz	Ferreiro	Paula	*****838Z	1.1.2013
50	Domínguez	Seoane	Marta	*****477N	1.1.2013
44	González	Jorge	Higinio	*****848Z	1.1.2013
22	Khmaladze		Emzar	*****63	1.1.2013
38	Kim		Sin-Yeon	*****770W	1.1.2013
21	Yáñez	Díaz	Mª Remedios	*****119Q	1.1.2013