Mediante a Resolución da Xerencia do Consorcio Galego de Servizos de Igualdade e Benestar do 7 de outubro de 2014, acordouse a renuncia, por razóns de interese público, a continuar co procedemento de contratación relativo á obra de construción dunha miniresidencia con dependencias destinadas á promoción da autonomía persoal no concello de Vilardevós, aprobado mediante a Resolución do 24 de xullo de 2014 publicada no DOG nº 147, do 5 de agosto.
Contra esta resolución poderá interpor recurso contencioso-administrativo ante os xulgados do contencioso-administrativo, no prazo de dous meses contados desde o día seguinte ao da comunicación desta resolución, conforme o artigo 46.1 da Lei 28/1998, do 13 de xullo, reguladora da xurisdición contencioso-administrativa, sen prexuízo de poder exercer o recurso potestativo de reposición no prazo dun mes segundo o disposto no artigo 116 da Lei 30/1992, do 26 de novembro, modificada pola Lei 4/1999, do 13 de xaneiro.
Santiago de Compostela, 8 de outubro de 2014
Roberto Rodríguez Martínez
Xerente do Consorcio Galego de Servizos de Igualdade e Benestar