O 26 de xaneiro de 2015 publicouse a Resolución do Instituto Enerxético de Galicia (Inega) do 26 de decembro de 2014 (DOG núm. 16), pola que se aproban as bases reguladoras das subvencións aos proxectos dinamizadores das áreas rurais de Galicia para proxectos de equipamentos térmicos de biomasa, cofinanciadas co Fondo Europeo Agrícola de Desenvolvemento Rural (Feader) no marco do PDR de Galicia 2007-2013, e se anuncia a convocatoria anticipada para o ano 2015.

Mediante Resolución da Axencia Galega de Desenvolvemento Rural (Agader) do 8 de maio de 2014 apróbanse as bases reguladoras das subvencións aos proxectos dinamizadores das áreas rurais de Galicia para proxectos de equipamentos térmicos de biomasa, cofinanciadas co Fondo Europeo Agrícola de Desenvolvemento Rural (Feader) no marco do Programa de desenvolvemento rural de Galicia 2007-2013, e anúnciase a convocatoria para o ano 2014. O artigo 29 destas bases reguladoras dispón que aqueles beneficiarios da axuda que na data máxima de remate e xustificación da operación prevista no artigo 19 non renunciasen expresamente a ela e non executasen nin xustificasen o proxecto, sen causa debidamente xustificada e comunicada á Agader, quedarán excluídos das dúas seguintes convocatorias para proxectos dinamizadores das áreas rurais de Galicia en que poidan ser beneficiarios.

Unha vez rematado o prazo de xustificación dos investimentos, e vista a relación de expedientes e beneficiarios que se atopan na situación antedita, remitida por Agader ao Inega con data do 2 de febreiro de 2015,

RESOLVO:

Primeiro. Publicar a relación de solicitantes que están excluídos das dúas seguintes convocatorias de axudas do Inega para proxectos dinamizadores das áreas rurais de Galicia en que poidan ser beneficiarios, ao atoparse na data máxima que fixa o artigo 29 da Resolución da Axencia Galega de Desenvolvemento Rural (Agader) do 8 de maio de 2014 como data límite para a xustificación dos investimentos, o 21 de novembro de 2014, nalgunha das situacións previstas no citado artigo 29.

Contra a presente resolución, que pon fin á vía administrativa, poderase interpor recurso contencioso-administrativo ante o Xulgado do Contencioso-Administrativo de Santiago de Compostela, no prazo de dous (2) meses contados desde o día seguinte ao da súa publicación ou notificación, de acordo co previsto nos artigos 8 e 46 da Lei 29/1998, do 13 de xullo, reguladora da xurisdición contencioso-administrativa.

Potestativamente, e con carácter previo, pódese interpor recurso administrativo de reposición ante o mesmo órgano que ditou o acto, no prazo dun (1) mes contado do mesmo xeito, tal e como dispoñen os artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común, sen prexuízo doutros recursos que se consideren oportunos.

Santiago de Compostela, 9 de febreiro de 2015

Ángel Bernardo Tahoces
Director do Instituto Enerxético de Galicia

ANEXO
Solicitantes excluídos das dúas seguintes convocatorias de axudas

IN421G. Proxectos dinamizadores das áreas rurais de Galicia para proxectos
de equipamentos térmicos de biomasa