DOG 42 do 3/03/2015 - RESOLUCIÓN do 16 de febreiro de 2015, da Secretaría Xeral de Medios, pola que se dá publicidade ao Acordo do Consello da Xunta de Galicia do 12 de febreiro de 2015, relativo á corrección de erros no acordo de outorgamento de licenzas para a prestación do servizo de comunicación audiovisual televisiva de titularidade privada de ámbito local.

VI. Anuncios

a) Administración autonómica

Vicepresidencia e Consellería de Presidencia, Administracións Públicas e Xustiza

RESOLUCIÓN do 16 de febreiro de 2015, da Secretaría Xeral de Medios, pola que se dá publicidade ao Acordo do Consello da Xunta de Galicia do 12 de febreiro de 2015, relativo á corrección de erros no acordo de outorgamento de licenzas para a prestación do servizo de comunicación audiovisual televisiva de titularidade privada de ámbito local.

Adoptado acordo polo Consello da Xunta de Galicia en sesión do día 12 de febreiro de 2015,

RESOLVO:

Dar publicidade ao Acordo do Consello da Xunta do 12 de febreiro de 2015 que a continuación se transcribe:

«Corrixir o erro material producido no Acordo do Consello do 26 de decembro de 2014 relativo ao outorgamento das licenzas para a prestación do servizo de comunicación audiovisual televisiva de titularidade privada de ámbito local no referente ao segundo programa na demarcación do Carballiño (TL02OU), de tal xeito que na táboa, na columna denominada “titular”, onde di “Materiales Eléctricos Disgetec, S.L.”, debe dicir “Audiovisuales Sogavi, S.L.U.».

Santiago de Compostela, 16 de febreiro de 2015

Mar Sánchez Sierra
Secretaria xeral de Medios