Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 42 Martes, 3 de marzo de 2015 Páx. 8676

III. Outras disposicións

Vicepresidencia e Consellería de Presidencia, Administracións Públicas e Xustiza

RESOLUCIÓN do 25 de febreiro de 2015, da Secretaría Xeral da Emigración, pola que se amplía o prazo de presentación de solicitudes da Resolución do 27 de xaneiro de 2015 pola que se regula e se convoca o Programa de escolas abertas presenciais destinadas ás comunidades galegas e persoas galegas residentes fóra de Galicia para o ano 2015.

Mediante a Resolución do 27 de xaneiro de 2015 (DOG núm. 23, do 4 de febreiro), regulouse e convocouse o Programa de escolas abertas presenciais destinadas ás comunidades galegas e persoas galegas residentes fóra de Galicia para o ano 2015.

No artigo 8 da devandita resolución establécese un prazo dun mes contado desde o día seguinte ao da publicación da resolución no Diario Oficial de Galicia, para a presentación de solicitudes, prazo que remata o vindeiro día 4 de marzo.

A coincidencia do prazo de presentación de solicitudes co período estival nos países de Hispanoamérica determinou que, próximo a rematar o devandito prazo, o número de solicitudes presentadas non cubra o número de prazas ofertadas no programa, polo que se considera conveniente proceder á súa ampliación.

En consecuencia, de conformidade co disposto no artigo 49 da Lei 30/1992, do 26 de novembro, de réxime xurídico das administracións públicas e do procedemento administrativo común,

RESOLVO:

Artigo único. Ampliación do prazo de presentación de solicitudes

Ampliar ata o 16 de marzo de 2014, inclusive, o prazo de presentación de solicitudes previsto no artigo 8 da Resolución do 27 de xaneiro de 2015 pola que se regula e se convoca o Programa de escolas abertas presenciais destinadas ás comunidades galegas e persoas galegas residentes fóra de Galicia para o ano 2015.

Santiago de Compostela, 25 de febreiro de 2015

Antonio Rodríguez Miranda
Secretario xeral da Emigración