Por Decreto da Alcaldía do 17 de febreiro de 2015 aprobáronse os pregos que rexen a licitación seguinte:
1. Entidade adxudicadora: Concello do Porriño (expediente 42/14).
2. Obxecto do contrato: redacción do proxecto de demolición parcial de edificio situado nas rúas Leandro Diz, nº 1, e Cando, sotos para garaxes en camiño Cando.
3. Tramitación e procedemento de adxudicación: ordinaria e aberto.
4. Orzamento base de licitación: 22.385 € (18.500 € máis 3.885 € en concepto de IVE).
5. Garantías: Garantía definitiva: 5 % do importe de adxudicación.
6. Prazo de presentación das proposicións: quince (15) días naturais desde o día seguinte ao da última publicación deste anuncio no DOG, BOP e perfil do contratante.
7. Apertura das ofertas: segundo o establecido no prego de cláusulas administrativas particulares que rexen a licitación.
8. Gastos de anuncios: serán por conta do licitador que resulte adxudicatario.
9. Páxina onde figuran os datos da convocatoria: www.contratosdegalicia.es
O Porriño, 17 de febreiro de 2015
José Nelson Santos Argibay
Alcalde