En cumprimento do disposto do artigo 92 da Lei 9/2002, do 30 de decembro, de ordenación urbanística e protección do medio rural de Galicia:
Que por Acordo Plenario do 27 de novembro de 2014 se aprobou definitivamente o estudo de detalle de determinación de aliñacións e rasantes de rúa de nova creación (antigo camiño do cuartel) en Foz (Lugo), promovido por Construcciones Rifer, S.L. e redactado polo arquitecto José Luis Eimil Trasancos.
Que se remite á Consellería de Política Territorial, Obras Públicas e Transportes a documentación a que fai referencia o artigo 92.3 da lei.
Este acordo pon fin á vía administrativa e contra el cabe o recurso contencioso-administrativo ante a orde xurisdicional contencioso-administrativa. O prazo para a interposición será de dous (2) meses desde o día seguinte ao da notificación do acordo que se pretende impugnar, de conformidade co artigo 43 da Lei da xurisdición contencioso-administrativa.
Foz, 20 de febreiro de 2015
Javier Jorge Castiñeira
Alcalde