Por Resolución do 18 de marzo de 2015 (DOG do 31 de marzo), publicouse a oferta de emprego público (OPE) do persoal docente e investigador da Universidade da Coruña para o ano 2015.
Por requirimento da Dirección Xeral de Gastos de Persoal e Pensións Públicas do Ministerio de Facenda, do 31 de marzo de 2015, de acordo co que establece o parágrafo segundo do artigo 21.Un.2.J) da Lei 36/2014, do 26 de decembro, de orzamentos xerais do Estado para 2015, o Consello de Gobeno desta universidade, na súa sesión do 30 de abril de 2015, acordou aprobar a modificación da oferta pública de emprego de PDI para 2015 e reservar unha das prazas ofertadas, anteriormente prevista para provisión dunha cátedra, para a provisión dunha praza de profesor contratado doutor para persoal investigador doutor que finalizase o programa Ramón y Cajal e conte con acreditación I3. A oferta pública para 2015 queda nos seguintes termos:
Oferta de emprego público do persoal docente e investigador da Universidade da Coruña para o ano 2015.
Persoal docente e investigador dos corpos docentes universitarios:
Taxa de reposición |
Categoría |
Prazas |
2013 |
Profesor/a titular de universidade |
2 |
2015 |
Catedrático/a de universidade |
1 |
Total prazas 3
Persoal docente e investigador contratado:
Taxa de reposición |
Categoría |
Prazas |
2015 |
Profesor/a contratado/a doutor/a |
7 |
Total prazas 7
Unha das prazas de profesor/a contratado/a doutor/a ofertada resérvase para a contratación como persoal laboral fixo de persoal investigador doutor que finalizase o Programa Ramón y Cajal e obtivese o certificado I3.
A Coruña, 26 de maio de 2015
Xosé Luís Armesto Barbeito
Reitor da Universidade da Coruña