De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común (LRXPAC), modificado polo artigo 25 da Lei 15/2014, do 16 de setembro, de racionalización do sector público e outras medidas de reforma administrativa, e dado que non foi posible efectuar a notificación,
DISPOÑO:
Primeiro. Notificarlle mediante a presente cédula a Alcira Lois Estévez o Acordo do Xurado de Expropiación de Galicia do 26 de febreiro de 2015, que fixa o prezo xusto do predio número 219, sito en Santa Comba, relativo ao proxecto 00233, expediente 2007/000129, cuxos datos se relacionan no anexo.
Segundo. Contra esta resolución, que esgota a vía administrativa, a persoa interesada poderá interpor recurso potestativo de reposición ante o mesmo órgano que a ditou, no prazo dun mes contado desde o día seguinte ao da notificación ou publicación desta cédula no taboleiro de edictos único (TEU) do Boletín Oficial del Estado (BOE), de acordo co previsto nos artigos 116 e 117 da LRXPAC. A persoa interesada poderá tamén interpor directamente recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ao da súa notificación ou publicación no TEU do BOE, de conformidade cos artigos 10.1 i), 14.1 e 46 da Lei 29/1998, do 13 de xullo, reguladora da xurisdición contencioso-administrativa. A interposición do recurso potestativo de reposición impide a interposición simultánea do recurso contencioso-administrativo, que non poderá interporse ata que sexa resolto o recurso de reposición ou se entenda presuntamente rexeitado. O texto íntegro do acordo referido na presente cédula está á disposición do interesado nas dependencias do Xurado de Expropiación de Galicia, con enderezo no Edificio Administrativo San Lázaro, s/n, 15703 Santiago de Compostela.
Terceiro. De conformidade co citado artigo 25 da Lei 15/2014, a eficacia desta notificación queda supeditada á súa publicación no TEU do BOE.
Cuarto. En consecuencia, para que conste e lles sirva de notificación ás persoas expropiadas, expido e asino esta cédula.
Santiago de Compostela, 9 de xuño de 2015
Juan Carlos Argüello Fernández
Presidente do Xurado de Expropiación de Galicia
ANEXO
Proxecto para o cal se expropia: 00233 acondicionamento da estrada C-545 de Santa Comba a Baio. Treito: Santa Comba-Zas. Clave: AC/01/001.01.1. TM Santa Comba.
Nº de expediente: 2007/000129.
Persoa que se notifica: Alcira Lois Estévez.
Expropiante: CPTOPT. Servizo Provincial de Estradas da Coruña.
Expropiada: Alcira Lois Estévez.
Beneficiaria: CPTOPT. Servizo Provincial de Estradas da Coruña.
Predio nº: 219.
Concello: Santa Comba.
Provincia: A Coruña.
Valoración da resolución do Xurado: 689,19 €.