A Orde do 27 de febreiro de 2015 (DOG do 12 de marzo), pola que se convocan os premios extraordinarios de formación profesional de grao superior correspondentes ao curso 2013/14, establece as bases e o procedemento para a súa concesión.
Unha vez realizada a valoración das solicitudes presentadas polo xurado de selección designado pola Resolución do 30 de marzo de 2015, da Dirección Xeral de Educación, Formación Profesional e Innovación Educativa, pola que se procede a designar os membros e facer pública a composición do xurado de selección que analizará e valorará as solicitudes dos aspirantes aos premios extraordinarios de formación profesional de grao superior correspondentes ao curso 2013/14 (DOG do 17 de abril) , publicados os resultados coas puntuacións obtidas polos candidatos e candidatas, resoltas as reclamacións presentadas, vistas a acta coa proposta definitiva do xurado de selección nomeado pola Resolución do 30 de marzo de 2015 (DOG do 17 de abril) e a correspondente proposta do director xeral de Educación, Formación Profesional e Innovación Educativa sobre a concesión destes premios,
DISPOÑO:
Primeiro. Conceder os premios extraordinarios de formación profesional de grao superior correspondentes ao curso 2013/14 ao alumnado que figura no anexo desta orde.
Segundo. Contra esta orde poderase interpor recurso potestativo de reposición ante o conselleiro de Cultura, Educación e Ordenación Universitaria no prazo dun mes contado a partir do día seguinte ao da data de publicación no Diario Oficial de Galicia, segundo o disposto nos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común, ou ben directamente mediante recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, no prazo de dous meses, segundo prevé o artigo 46 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 18 de xuño de 2015
Román Rodríguez González
Conselleiro de Cultura, Educación e Ordenación Universitaria