Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 135 Luns, 20 de xullo de 2015 Páx. 30139

III. Outras disposicións

Consellería de Traballo e Benestar

RESOLUCIÓN do 1 de xullo de 2015, da Dirección Xeral de Traballo e Economía Social, pola que se fai pública a concesión dos premios do Certame Cooperativismo no Ensino 2015, dirixido ao alumnado e ao profesorado dos centros educativos de Galicia.

Pola Orde do 18 de febreiro de 2015 (Diario Oficial de Galicia núm. 39, do 26 de febreiro), da Consellería de Traballo e Benestar, establecéronse as bases reguladoras do Certame Cooperativismo no Ensino, dirixido ao alumnado e profesorado dos centros educativos de Galicia, e procedeuse á súa convocatoria para o ano 2015.

Nas bases reguladoras establécese que os traballos participantes neste concurso serán avaliados por un tribunal e que a persoa titular da Dirección Xeral de Traballo e Economía Social resolverá a concesión dos premios, que serán obxecto de publicación no DOG.

Unha vez aprobadas as propostas de concesión dos premios polos tribunais encargados de avaliar os traballos presentados, nas sús reunións do 3 e 5 de xuño de 2015, e sen que fosen formuladas reclamacións, por resolución da Dirección Xeral de Traballo e Economía Social do 1 de xullo de 2015 aprobouse a concesión dos premios.

Por todo o anterior,

DISPOÑO:

Facer pública a concesión dos premios do Certame Cooperativismo no Ensino 2015 dirixido ao alumnado e ao profesorado dos centros educativos de Galicia, e que se relacionan no anexo que se xunta a esta resolución.

Santiago de Compostela, 1 de xullo de 2015

Carmen Bouso Montero
Directora xeral de Traballo e Economía Social

ANEXO
Certame Cooperativismo no Ensino 2015

Modalidade de debuxo, pintura, fotografía e/ou vídeo dirixido ao alumnado de educación infantil e primaria, por categorías:

Categoría A: alumnos/as de 2º ciclo de educación infantil.

Premio ao mellor traballo: «Cooperando todo funciona» do CEIP Domaio.

Accésit: «O cinema na escola. O cooperativismo nos soños» do CRA de Meis.

Categoría B: alumnos/as de 1º e 2º de educación primaria.

Premio ao mellor traballo: «A árbore cooperativa» do CEIP San Miguel de Reinante, Barreiros.

Accésit: «Os amorodos: un traballo divertido, un proxecto compartido» do CEIP Domaio.

Categoría C: alumnos/as de 3º e 4º de educación primaria.

Premio ao mellor traballo: «O conxuro dunha cooperativa» do CEIP San Miguel de Reinante, Barreiros.

Accésit: «Xuntos artellamos a nosa historia» do CEIP Domaio.

Categoría D: alumnos/as de 5º e 6º de educación primaria.

Premio ao mellor traballo: «Cooperativa, unha carreira de obstáculos» do CEIP San Miguel de Reinante, Barreiros.

Accésit: «A nosa música ilusiona» do CEIP ADR Castelao.

Modalidade de actividades cooperativizadas dirixido ao alumnado de primeiro e segundo ciclo de educación secundaria obrigatoria, por categorías:

Categoría E: alumnos/as do 1º ciclo da ESO.

Premio ao mellor traballo: «Os ecos das sombras» do IES Santa Irene.

Categoría F: alumnos/as do 2º ciclo da ESO.

Premio ao mellor traballo: «Tenda online Ecomaz» do CPI A Picota.

Modalidade de proxectos empresariais cooperativos, dirixido ao alumnado e ao profesorado dos centros de formación profesional e de ensinazas de réxime especial.

Premio ao mellor proxecto empresarial cooperativo: «Energylar, Sociedade Cooperativa Galega» presentado polo alumnado e profesorado do CIFP Someso.

Accésit a dous proxectos empresariais finalistas: «Muutronic, Sociedade Cooperativa Galega» presentado polo alumnado e profesorado do IES Politécnico de Vigo, e «Sociedade Cooperativa Bufar» presentado polo alumnado e profesorado do IES As Mariñas.