Aprobado por Decreto da Alcaldía do 28 de xullo de 2015 o expediente de contratación, incluídos o pregos de cláusulas administrativas particulares-técnicas que rexerán a contratación das obras de urbanización da rúa Calvario, expóñense ao público durante oito días, contados a partir do seguinte ao da última publicación deste anuncio no Diario Oficial de Galicia ou no BOP, para que poida presentar reclamacións quen se considere interesado.
Simultaneamente, anúnciase o concurso e aprazarase a licitación se resulta necesario por formularse reclamacións contra os pregos.
1. Entidade adxudicadora.
a) Concello da Guarda.
b) Dependencia que tramita o expediente: Secretaría.
2. Obxecto do contrato.
a) Tipo de contrato: obras.
b) Descrición do obxecto: urbanización da rúa Calvario.
3. Modalidade de adxudicación.
Procedemento aberto con varios criterios de adxudicación. Tramitación ordinaria.
4. Tipo de licitación.
216.464,57 euros (douscentos dezaseis mil catrocentos sesenta e catro euros con cincuenta e sete céntimos), IVE incluído.
5. Garantía.
Garantía provisional: non se exixe.
Garantía definitiva: 5 % do importe da adxudicación.
6. Exame do expediente.
Os licitadores poderán examinar o expediente na Secretaría Xeral do concello, de luns a venres, das 9.00 ás 14.00 horas, agás sábados e festivos e ata o día anterior ao do remate do prazo de presentación de proposicións.
7. Presentación de proposicións.
As proposicións presentaranse no Rexistro Xeral deste concello, de luns a venres, das 9.00 ás 14.00 horas, e os sábados das 10.00 ás 13.00 horas, durante o prazo de vinte e seis días naturais contados desde o día seguinte ao da publicación do último anuncio no BOP e no DOG, na forma sinalada nas cláusulas 15 e 16 do prego de cláusulas administrativas particulares.
8. Apertura de proposicións.
Ás 10.00 horas do sexto día hábil seguinte ao da finalización do prazo de presentación de ofertas, a mesa de contratación procederá, en acto público á apertura dos sobres B e C. Para estes efectos, se tal día é sábado o acto terá lugar o día hábil seguinte.
9. Obtención de documentación e información.
Concello da Guarda. Praza do Reló, nº 1, 36780 A Guarda.
Páxina web: www.aguarda.es
Teléfono: 986 61 00 00, fax: 986 61 02 83.
10. Criteiros de adxudicación.
Os criterios base para a adxudicación serán os seguintes:
A) Proposta de baixa no prezo........................................................ ata 20 puntos.
B) Proposta de redución de prazo de realización das obras............ ata 6 puntos.
C) Proposta de ampliación do prazo de garantía............................. ata 4 puntos.
11. Requisitos do contratista.
Non se exixe clasificación.
12. Gastos dos anuncios.
Serán por conta do contratista adxudicatario.
A Guarda, 31 de xullo de 2015
Antonio Lomba Baz
Alcalde