Expediente: IN407A 2015/184-1.
Solicitante: Electra de Santa Comba, S.L.
Denominación: soterramento de liña de alta tensión As Antes-Arantón.
Concello: Santa Comba.
Características técnicas:
Soterramento de parte da liña de alta tensión denominada Arán-Arantón (expediente IN407A 2010/65) na zona de confluencia coa derivación a Vilar de Céltigos (expediente 27949) e a derivación a Espasandín (expediente IN407A 2012/203) e substitución do apoio existente da liña Arán-Arantón, de onde parten as derivacións anteriormente mencionadas.
Lexislación de aplicación:
– Lei 24/2013, do 26 de decembro, do sector eléctrico (BOE núm. 310, do 27 de decembro).
– Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica (BOE núm. 310, do 1 de decembro).
– Resolución do 19 de febreiro de 2014 pola que se aproba o procedemento de autorización administrativa de construción, de acordo co previsto na Lei 24/2013, do 26 de decembro, do sector eléctrico (DOG núm. 54, do 19 de marzo de 2014).
Todas aquelas persoas ou entidades que se consideren afectadas poderán examinar o expediente e presentar alegacións na Xefatura Territorial de Economía e Industria, sita na rúa Vicente Ferrer, 2, 2º andar, 15071 A Coruña, no prazo de vinte días, a partir do día seguinte ao da última publicación desta resolución.
A Coruña, 25 de setembro de 2015
Isidoro Martínez Arca
Xefe territorial da Coruña