A titular do centro privado (CPR) Santa Apolonia, do concello de Santiago de Compostela, solicita a transformación dun ciclo formativo de grao superior (CS) de Audioloxía Protésica autorizado na modalidade presencial para ser ofertado na modalidade a distancia e semipresencial.
Conforme a Orde do 22 de setembro de 2014 (DOG do 9 de outubro) o devandito centro docente privado está autorizado para impartir 2 CS de Audioloxía Protésica, con 4 unidades para 30 alumnos/as cada unha.
Logo da tramitación do expediente de acordo co establecido no Decreto 133/1995, do 10 de maio, de autorización de centros docentes privados para impartir ensinanzas de réxime xeral non universitarias, e coa Orde do 20 de setembro de 1995 que o desenvolve, por proposta da Dirección Xeral de Centros e Recursos Humanos,
DISPOÑO:
Primeiro. Autorizar a transformación dun CS de Audioloxía Protésica da modalidade presencial na modalidade a distancia e semipresencial. O centro queda configurado como se sinala a seguir:
Denominación: centro privado Santa Apolonia
Código: 15025116.
Enderezo: A Poza Real, 5.
Localidade: Santiago de Compostela.
Concello: Santiago de Compostela.
Provincia: A Coruña.
Titular: María del Rosario Medina Gómez.
Composición resultante:
Educación infantil: 3 unidades.
Educación primaria: 6 unidades.
Educación secundaria obrigatoria: 4 unidades.
Bacharelato: 2 unidades da modalidade de Ciencias e 2 unidades da modalidade de Humanidades e Ciencias Sociais.
Formación profesional:
a) Modalidade presencial:
• 1 CM Coidados Auxiliares de Enfermaría (1 unidade para 30 alumnos/as).
• 1 CM Cociña e Gastronomía (2 unidades para 20 alumnos/as cada unha).
• 1 CS Animación de Actividades Físicas e Deportivas (2 unidades para 30 alumnos/as cada unha).
• 1 CS Administración e Finanzas (2 unidades, 30 alumnos/as cada unha).
• 1 CS Audioloxía Protésica (2 unidades, 30 alumnos/as cada unha).
• 1 CS Dietética (2 unidades, 30 alumnos/as cada unha).
• 1 CS Educación Infantil (2 unidades, 30 alumnos/as cada unha).
• 2 CS Hixiene Bucodental (4 unidades para 30 alumnos/as cada unha).
• 1 CS Laboratorio Clínico e Biomédico (2 unidades, 30 alumnos/as cada unha).
• 1 CS Ortoprótese e Produtos de Apoio (2 unidades, 30 alumnos/as cada unha).
• 1 CS Óptica de Anteollos (2 unidades para 30 alumnos/as cada unha).
• 1 CS Próteses Dentais (2 unidades, 30 alumnos/as cada unha).
b) Modalidade a distancia e semipresencial:
• 1 CS Audioloxía Protésica (2 unidades, 30 alumnos/as cada unha).
Educación para persoas adultas, modalidade presencial, en quenda de tarde-noite:
– Educación secundaria para persoas adultas: nivel I e II.
– Bacharelato: modalidades de Ciencias e Humanidades e Ciencias Sociais.
Segundo. Esta orde dará lugar á correspondente inscrición no Rexistro de Centros da Comunidade Autónoma de Galicia.
Terceiro. O centro queda obrigado ao cumprimento da normativa vixente e a solicitar a oportuna revisión cando teñan que modificarse calquera dos datos que sinala a presente orde.
Contra esta orde, que esgota a vía administrativa, as persoas interesadas poderán interpoñer recurso potestativo de reposición ante esta consellería, no prazo dun mes, contado a partir do día seguinte ao da súa publicación no Diario Oficial de Galicia, segundo o disposto nos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común, ou ben, directamente, o recurso contencioso-administrativo no prazo de dous meses desde a mesma data, ante a Sala do Contencioso-Administrativo do Tribunal Superior de Xustiza de Galicia, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 13 de outubro de 2015
Román Rodríguez González
Conselleiro de Cultura, Educación e Ordenación Universitaria