Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 24 Venres, 5 de febreiro de 2016 Páx. 4145

III. Outras disposicións

Vicepresidencia e Consellería de Presidencia, Administracións Públicas e Xustiza

RESOLUCIÓN do 27 de xaneiro de 2016, da Secretaría Xeral da Emigración, pola que se amplía o prazo de presentación de solicitudes da Resolución do 17 de decembro de 2015 pola que se establecen as bases reguladoras e se convocan as subvencións correspondentes a programas de actuación en favor das entidades galegas no exterior para o exercicio 2016.

Mediante a Resolución do 17 de decembro de 2015 (DOG núm. 3, do 7 de xaneiro de 2016) establecéronse as bases reguladoras e convocáronse as subvencións correspondentes a programas de actuación en favor das entidades galegas no exterior para o exercicio 2016.

De conformidade co establecido no artigo 6 da devandita resolución, o prazo para a presentación de solicitudes remata o vindeiro día 8 de febreiro.

A coincidencia do prazo de presentación de solicitudes co período estival nos países de Hispanoamérica aconsella proceder á súa ampliación.

En consecuencia, de conformidade co disposto no artigo 49 da Lei 30/1992, do 26 de novembro, de réxime xurídico das administracións públicas e do procedemento administrativo común,

RESOLVO:

Artigo único. Ampliación do prazo de presentación de solicitudes

Ampliar ata o 22 de febreiro de 2016, inclusive, o prazo de presentación de solicitudes previsto no artigo 6 da Resolución do 17 de decembro de 2015, da Secretaría Xeral da Emigración, pola que se establecen as bases reguladoras e se convocan as subvencións correspondentes a programas de actuación en favor das entidades galegas no exterior para o exercicio 2016.

Santiago de Compostela, 27 de xaneiro de 2016

Antonio Rodríguez Miranda
Secretario xeral da Emigración