O Xurado Provincial de Clasificación de Montes Veciñais en Man Común de Ourense, en sesión do 10 de decembro de 2015, acordou iniciar os trámites para a clasificación como veciñal en man común do monte coas características que a seguir se relacionan:

Denominación do monte: Val da Cova.

Superficie: 10.347 m2 (1,03 ha aproximadamente).

Pertenza: veciños do Carballal.

Parroquia: As Seixadas (San Xoán).

Concello: Cartelle.

Parcelas catastrais que comprende e superficies:

Datos catastrais			Superficie para clasificar (m2)
Polígono	Parcela	Superficie catastral (m2)
126	1089	2.878	2.878
	1088	2.659	2.659
	974	1.828	1.828
	975	1.425	1.425
	976	1.557	1.557
Superficie total para clasificar			10.347 m2 (1,03 ha)

As estremas dos terreos para os cales se solicita a clasificación son as seguintes:

a) Perímetro exterior:

Norte (parcelas catastrais)

Concello	Polígono	Parcela
Cartelle	124	9003 (camiño)

Leste (parcelas catastrais)

Concello	Polígono	Parcela
Cartelle	126	9003 (camiño)

Sur (parcelas catastrais)

Concello	Polígono	Parcela
Cartelle	126	724

Oeste (parcelas catastrais)

Concello	Polígono	Parcela
Cartelle	126	724

b) Perímetro interior (encravados).

Non existen encravados.

Estes terreos estreman polo leste (camiño por medio) co monte veciñal en man común Penelas, xa clasificado a favor desta mesma Comunidade de Montes Veciñais en Man Común do Carballal.

O que se pon en coñecemento de todos os interesados, indicándolles que se abre un período dun mes para que poidan examinar o expediente e efectuar as alegacións que xulguen convenientes, así como presentar os documentos ou informacións que xulguen oportunas, de conformidade co disposto no artigo 23 do Decreto 260/1992, do 4 de setembro, polo que se aproba o Regulamento para a execución da Lei 13/1989, do 10 de outubro, de montes veciñais en man común.

Ourense, 5 de febreiro de 2016

Yago Borrajo Sánchez
Presidente do Xurado Provincial de Clasificación
de Montes Veciñais en Man Común de Ourense