Os calendarios de vacinación infantil son unha das medidas de probada efectividade no control das enfermidades transmisibles e a súa sistematización a través dos programas de vacinación supón unha das principais contribucións ao benestar dos cidadáns reducindo a incidencia das enfermidades fronte ás que protexe así como a mortalidade asociada a elas.
Os programas de vacinación deben ser capaces de dar resposta aos cambios que se produzan e permitir a incorporación de novas melloras. Por todo iso, o Programa galego de vacinación traballa permanentemente na percura da mellor protección, a accesibilidade de todos á vacinación e o cumprimento do calendario para todos os nenos galegos.
O Consello Interterritorial do Sistema nacional de saúde, na súa reunión de xullo de 2015, recomendou a introdución da vacina fronte á varicela no calendario común de vacinación infantil. O Programa galego de vacinación, seguindo esas recomendacións, e tras consulta coa Comisión Asesora de Enfermidades Inmunoprevibles de Galicia, considera necesario actualizar o Calendario de vacinación infantil adaptándose así aos acordos do Consello Interterritorial.
De conformidade co disposto no artigo 12 do Decreto 41/2013, do 21 de febreiro, polo que se establece a estrutura orgánica da Consellería de Sanidade e as súas competencias, é responsabilidade da Dirección Xeral de Saúde Pública a planificación, coordinación e a xestión das actividades do Programa galego de vacinación e a difusión de información sobre o programa, así como o desenvolvemento de programas sanitarios e de prevención de problemas de saúde con especial repercusión na Comunidade Autónoma de Galicia. Por todo iso
RESOLVO:
Primeiro. Actualizar o Calendario de vacinación infantil do Programa galego de vacinación que queda como segue:
|
Vacinas/idade |
0 meses |
2 meses |
4 meses |
6 meses |
12 meses |
15 meses |
18 meses |
3 anos |
6 anos |
12 anos |
14 anos |
|
Vacina hepatite B: VHB |
VHB (1ª d.) |
VHB (2ª d.) |
VHB (3ª d.) |
||||||||
|
Vacina da difteria, tétano e tose ferina de tipo acelular: DTPa |
DTPa (1ª d.) |
DTPa (2ª d.) |
DTPa (3ª d.) |
DTPa (4ª d.) |
DTPa (5ª d.) |
||||||
|
Vacina inxectable da polio: IPV |
IPV (1ª d.) |
IPV (2ª d.) |
IPV (3ª d.) |
IPV (4ª d.) |
|||||||
|
Vacina do haemophilus influenza tipo b: Hib |
Hib (1ª d.) |
Hib (2ª d.) |
Hib (3ª d.) |
Hib (4ª d.) |
|||||||
|
Vacina fronte ao meningococo C |
MCC (1ª d.) |
MCC (2ª d.) |
MCC (3ª d.) |
||||||||
|
Vacina pneumocócica conxugada |
PNC (1ª d.) |
PNC (2ª d.) |
PNC (3ª d.) |
||||||||
|
Vacina fronte ao sarampelo, rubéola e parotidite (triple vírica): TV |
TV (1ª d.) |
TV (2ª d.) |
|||||||||
|
Vacina fronte á varicela |
VVZ (1) |
VVZ (2) |
VVZ (3) |
||||||||
|
Vacina fronte ao virus do papiloma humano: VPH |
VPH (4) |
VPH (5) |
|||||||||
|
Vacina do tétano e da difteria tipo adulto: Td |
Td |
1. Nenas/os nacidos a partir do 1 de xaneiro de 2015 a medida que vaian cumprindo 15 meses.
2. Nenas/os nacidos a partir do 1 de xaneiro de 2015 a medida que vaian cumprindo 3 anos.
3. Persoas que refiran non ter pasado a enfermidade nin recibido esta vacina con anterioridade.
4. Unicamente rapazas, 2 doses: 0, 6 meses. Desde o 1 de xaneiro de 2016.
5. Manterase tamén a vacinación aos 14 anos durante 2016 e 2017 para as rapazas que están agora en idades entre 12 e 14 anos, nenas nacidas nos anos 2002 e 2003.
Segundo. A partir do 1 de abril de 2016 a vacinación fronte á varicela formará parte do calendario sistemático de vacinación coa administración de 2 doses: aos 15 meses e aos 3 anos.
Iniciarase a vacinación nos nenos nacidos a partir do 1 de xaneiro de 2015 a medida que vaian cumprindo 15 meses. A segunda dose incorporarase no calendario a medida que estes nenos vaian cumprindo 3 anos.
O Programa galego de vacinación manterá, ademais, a vacinación establecida desde o ano 2005, para os preadolescentes susceptibles aos 12 anos, aqueles que ao chegar a esta idade non pasaron a enfermidade ou non estean previamente vacinados e tamén para as persoas susceptibles, de calquera idade, incluídas nos grupos de poboación con alto risco de padecer a enfermidade ou as súas complicacións.
Santiago de Compostela, 25 de febreiro de 2016
Sonia Martínez Arca
Directora xeral de Saúde Pública
