O Regulamento delegado (UE) 2016/1612 da Comisión, do 8 de setembro de 2016, polo que se establece unha axuda para a redución da produción leiteira, establece a concesión de axudas destinadas exclusivamente á redución das entregas de leite de vaca.
Conforme se dispón no artigo 4 do citado Regulamento (UE) 2016/1612 da Comisión, os estados membros notificarán as autorizacións aos solicitantes no prazo dos sete días hábiles seguintes á data límite de recepción das solicitudes establecida no artigo 2, número 2, sen prexuízo do disposto no número 2 do artigo 4, no suposto de que se supere o volume total máximo previsto para esta línea de axuda.
O Regulamento de execución (UE) 2016/1845, da Comisión, do 18 de outubro, polo que se fixa o coeficiente de asignación aplicable ás solicitudes de axuda para a redución da produción leiteira consonte o Regulamento delegado (UE) 2016/1612, establece que o volume agregado obxecto de todas as solicitudes de axuda recibidas superou o volume total máximo de redución e fixou un coeficiente de asignación de 0,12462762 para aplicar a todas as solicitudes.
De conformidade co exposto, e recibidas as solicitudes de axuda para a redución da produción leiteira para o segundo período de redución, correspondente aos meses de novembro e decembro de 2016, e de xaneiro de 2017,
RESOLVO:
Primeiro. Comunicación da aceptación das solicitudes de axuda
Notificar aos interesados que figuran na relación que figura na sede electrónica do Fondo Galego de Garantía Agraria (http://mediorural.xunta.gal/fogga/) que as súas solicitudes de axuda foron admitidas polo volume de litros que solicitaron solicitaron multiplicado polo coeficiente de asignación.
En todo caso, esta aceptación está condicionada á verificación administrativa do cumprimento de todos os requisitos formais previstos no Regulamento (UE) 2016/1612.
Segundo. Presentación da solicitude de pagamento
Os interesados que figuran na devandita relación deberán presentar a solicitude de pagamento no prazo de 45 días naturais desde a data de finalización do período de redución.
Santiago de Compostela, 20 de outubro de 2016
Belén María do Campo Piñeiro
Directora do Fondo Galego de Garantía Agraria