> Fondo Galego de Garantía Agraria - FOGGA

Creouse co fin de aplicar, en réxime de descentralización administrativa, as medidas de ordenación, fomento, reestructuración e mellora do sector lácteo e gandeiro.

> Fundación Centro Tecnolóxico de Supercomputación de Galicia

Esta fundación ten como misión fomentar, difundir e prestar servizos de cálculo intensivo e comunicacións ás comunidades investigadoras galegas e ás do CSIC, así como a aquelas empresas ou institucións que o soliciten, contribuíndo, deste xeito, ao perfeccionamento tecnolóxico, á innovación e á mellora da competitividade das empresas

> Fundación Escola Galega de Administración Sanitaria

O obxecto da fundación é a formación e a investigación nas materias de saúde pública e administración sanitaria.

> Fundación Galicia Emigración

Fundación pública dependente da Secretaría Xeral de Emigración que ten como obxectivo canalizar todas as axudas aos galegos da diáspora. A súa vocación asistencial compleméntase cunha función de carácter formativo e tamén cultural.

> Fundación Galicia Europa

Institución privada sen fins de lucro creada para promover todas aquelas accións que fomenten o achegamento entre Galicia e Europa.

> Fundación para o Fomento da Calidade Industrial e o Desenvolvemento Tecnolóxico de Galicia

Entidade dependente da Consellería de Industria e Comercio co obxetivo de impulsar a competitividade a través de programas de actuación en materia de calidade, innovación e tecnoloxía.

> Fundación Pública Urxencias Sanitarias de Galicia

Encárgase de xestionar e coordinar os servizos prehospitalarios nos casos de urxencias e emerxencias sanitarias que acontezan dentro da Comunidade Autónoma.

> Instituto Enerxético de Galicia - INEGA

Ente de dereito público adscrito á Consellería da Xunta de Galicia competente en materia de enerxía. Os seus obxectivos abranguen iniciativas para a mellora da investigación enerxética en Galicia, actuacións para o seu coñecemento, desenvolvemento e aplicación de novas tecnoloxías; mellora do aforro e a eficiencia; uso racional da enerxía e xestión óptima dos recursos enerxéticos; participación na xestión e prestación de servizos noutros campos sinérxicos ao enerxético, de acordo coas directrices do Goberno no ámbito das súas competencias.

> Instituto Galego da Vivenda e Solo - IGVS

Correspóndelle a realización da política de solo e vivenda da Xunta de Galicia, co fin de garantir os dereitos constitucionais a unha vivenda digna e axeitada e a unha utilización do solo de acordo co interese xeral.

> Instituto Galego de Consumo - IGC

Organismo autónomo que ten como obxetivo a defensa dos consumidores e usuarios protexendo a seguridade, a saude e os lexítimos intereses económicos dos mesmos.

> Instituto Galego de Estatística - IGE

Órgano ao que lle corresponde as funcións de elaboración, publicación e análise de estudios estatísticos referentes a calquera materia referida ás condicións de vida, fins e competencias da Comunidade Autónoma.

> Instituto Galego de Promoción Económica - IGAPE

Encárgase da promoción e do fomento do desenvolvemento de Galicia. Potencia os seus investimentos en innovación e tecnoloxía, estimula as exportacións dos seus productos e achega solucións a problemas específicos.

 >Instituto Galego de Seguridade e Saúde Laboral - ISSGA

Organismo autónomo que se configura como un órgano técnico en materia de prevención de riscos laborais, a quen lle corresponde a xestión e coordinación das políticas en materia de seguridade e saúde laboral.

> Parque Tecnolóxico de Galicia

É membro da Asociación Española de Parques Tecnolóxicos e está especialmente acondicionado para acoller a empresas e institucións caracterizadas polo seu elevado nivel tecnolóxico e innovador.

> Portos de Galicia

Ente público encargado da mellora da xestión e explotación dos nosos portos.

> Servizo Galego de Igualdade - SGI

Ten como obxectivo promover a igualdade de dereitos e a non discriminación entre homes e mulleres, a participación e integración da muller na vida social, cultural, económica e política de Galicia.

> Servizo Galego de Saúde – SERGAS

Organismo do Goberno de Galicia encargado de facilitar os servizos preventivos, asistenciais, rehabilitadores e sanitario-sociais.

> Sociedade Galega do Medio Ambiente - SOGAMA

Coa súa creación abriuse unha nova época na xestión dos residuos sólidos urbanos en Galicia, mediante un sistema tecnolóxicamente avanzado, solidario e respectuoso co medio ambiente.

> Sociedade para o Desenvolvemento Comarcal de Galicia

Centro de investigación e estudios territoriais coa arela de implantar un modelo de planificación comarcal que promova un desenvolvemento equilibrado do territorio galego.

> Tribunal Galego de Defensa da Competencia

Organismo autónomo de carácter administrativo adscrito ao goberno galego, dotado de personalidade xurídica e presuposto propio, con capacidade de obrar e plena independencia no exercicio das súas funcións. O fin primordial do TGDC é preservar o funcionamento competitivo dos mercados no ámbito territorial da Comunidade Autónoma de Galicia, garantindo a existencia dunha competencia efectiva.

> Turgalicia

Empresa con maioría de capital público dependente da Xunta de Galicia que ten como obxectivo a promoción turística de Galicia.

> Xacobeo

Sociedade Anónima de Xestión do Plan Xacobeo - Pavillón de Galicia - San Lázaro - Santiago de Compostela