Os Encontros e As Festas dos Axóuxeres procuran favorecer espazos e ferramentas que animen as nais e os pais a transmitírenlles o galego aos seus fillos. Nestas actividades dos Axóuxeres veñen participando distintos artistas do país, unindo palabra, emoción e música.  Mercedes Peón, Uxía ou Guadi Galego son as encargadas, nesta xeira, de sentar ao carón dos bebés e acompañantes, sen micrófonos nin barreiras, para animalos a cantar e a gozar co galego.

Tanto se asistiches como se non a algún destes encontros, propoñémosche que organices un deles na túa casa co teu neno ou nena. Velaquí tes as letras das cancións e mesmo a música dalgunhas delas descargable en mp3, para que as escoites e cantedes tantas veces como queirades.

Descarga a canción en mp3

Aí vai o Señor Noé
comandando o batallón,
o mono vai sentado
na cabeza do león

O gato fai miau, miau, miau, miau
O can fai guau, guau, guau, guau
Perú fai gluuu
Carneiro fai meee
E o galo, cando quer,
quequere queque queque

Descarga a canción en mp3

Laralará…

Arrerú, arrerú
cunha tranquiña no cu;
sairán os vellos todos
quedaremos eu e tu.
Arrerú, arrerú

Rou, rou, xouxigou,
tu que vas e eu que vou;
rou, rou, xouxigou,
tu que vas e eu que vou;
rou rou xouxigou

laralará…

Descarga a canción en mp3

Alecrín, alecrín dourado                   
que naceu no monte                       
sen ser sementado (bis)    

Ai, meu amor
quen che dixo a ti
que a flor do campo
era o alecrín? (bis)

Alecrín do meu corazón                  
por causa de ti                               
fixen esta canción (bis)        

Ai, meu amor
quen che dixo a ti
que a flor do campo
era o alecrín? (bis)

Caranguexo non é peixe
caranguexo peixe é,
caranguexo non é peixe
na enchente da maré.

Palma, palma, palma;
pé, pé, pé;

roda, roda, roda;
caranguexo peixe é.

Patos polos e galiñas van,
correndo polo galiñeiro están
perseguidos barbaramente
polo patrón
pomporompóm

Patos polos e galiñas fan
unha revolta do reino animal
perseguindo barbaramente
o seu patrón
pomporompóm

O noso agradecemento ás artistas pola súa colaboración na creación deste espazo para facilitar que as familias sigan cantando na casa.

galego, lingua galega, idioma galego, gallego, lengua gallega, idioma gallego