A área de asesoramento lingüístico atende calquera consulta relacionada coa lingua galega (sobre fonética, ortografía, morfoloxía, sintaxe...) ou de carácter terminolóxico, en colaboración co Servizo de Terminoloxía da Real Academia Galega (Termigal).
As consultas sobre a forma correcta de vocabulario galego pode realizalas en liña no espazo na rede da Real Academia Galega.
A área de asesoramento lingüístico atende tamén dúbidas sobre outros aspectos relacionados coa lingua galega, como lexislación, dereitos e deberes lingüísticos, toponimia e antroponimia, datos sociolingüísticos, asesoramento en bibliografía, etc.
Para unha mellor atención das súas consultas, é importante que nos casos de dúbidas terminolóxicas forneza o contexto ou a definición completa do termo. No caso de seres vivos, explicite o nome científico.
