Máis refráns. A lingua galega conta cunha enorme riqueza fraseolóxica. No Centro Ramón Piñeiro para a Investigación en Humanidades vense desenvolvendo un labor de investigación fraseolóxica que permitirá contar cun Tesouro fraseolóxico galego conformado por fontes orais e fontes escritas. Ademais, o proxecto de Fraseoloxía impulsa estudos fraseolóxicos e fraseográficos en Galicia, mediante Coloquios e a revista Cadernos de Fraseoloxía Galega. As súas publicacións pódense descargar na rede.

Música e refráns: Refráns e coplas populares da gaita e do gaiteiro, do Obradoiro de Gaitas Seivane.

Fraseoloxía visual. Para revitalizar e difundir a nosa fraseoloxía, o Servizo de Normalización Lingüística da Universidade de Santiago de Compostela realizou un traballo de fraseoloxía no que se visualiza o significado de frases feitas a través de imaxes suxestivas.

Unha aplicación para móbiles con case 10.000 refráns. O Refraneiro galego é unha aplicación para iPhone, iPod e iPad que permite consultar os 9.500 refráns que o compoñen, incluso en modo offline (sen estar conectado a internet). A aplicación, que se pode mercar en Apple Store por un prezo de 0,79 euros, tamén permite compartir os refráns nas redes sociais ou a través do correo electrónico.