Secretaría Xeral de Política Lingüística

Está vostede en Inicio » VIVIR EN GALEGO

Letras Galegas

 

 

Xosé F. Filgueira Valverde nace o 28 de outubro de 1906 en Pontevedra, onde reside boa parte da súa vida e falece o 13 de setembro de 1996.

Cursa o bacharelato na cidade, onde foi discípulo de Losada Diéguez e Castelao. Estuda Filosofía e Letras e mais Dereito na Universidade de Santiago de Compostela e Zaragoza. Aquí coñece o profesor Armando Cotarelo Valledor, que será director da súa tese de doutoramento.

Ademais do seu labor profesional como docente e director no Instituto de Ensino Medio de Pontevedra cómpre destacar a súa extensa traxectoria intelectual centrada en diversos ámbitos de estudo e tres eixes: a historia, a cultura e a lingua galega. Ver máis

 

 

 

Documental Contextualizando a Filgueira Valverde

Contextualizando a Filgueira Valverde é un documental de Gonzalo Veloso sobre o escritor, historiador e profesor a quen se lle dedica en 2015 o Día das Letras Galegas. Interveñen membros da familia, historiadores, investigadores e mebros da Real Academia Galega, entre outros, que van dando a súa visión sobre diferentes aspectos da vida e da obra de Filgueira, dende os máis persoais e familiares ata os máis sociais e políticos, pasando pola valoración da súa produción literaria. Durante unha hora, dialogan sobre o vello profesor Carlos Reigosa, Xesús Alonso Montero, Francisco Fernández Rei, Xusto Beramendi, Daniel Lanero, Lourenzo Fernández Prieto, Antonio Míguez, Andrés Rodríguez Almansa, Víctor Freixanes, Ramón Villares, Inma López Silva, Henrique Monteagudo, Pegerto Saavedra, Carlos Valle, Francisco Díaz-Fierros, Xosé R. Fandiño, Anton Lópo, Luis Cochón, Amaia Bóveda, Valentín G. Bóveda, Xavier Fortes, Xosé Fortes e fillos e fillas de Filgueira Valverde.

 

Letras Galegas '15 - Pezas con textos de Filgueira Valverde


Velaquí tres breves pezas audiovisuais realizadas pola produtora Algarabía para a Secretaría Xeral de Cultura a partir de textos de Filgueira Valverde.

 

Material divulgativo

A Secretaría Xeral de Política Lingüística, co fin de difundir a figura e o legado de Xosé Filgueira Valverde entre a comunidade educativa dos diferentes niveis de ensino non universitario, pon á disposición dos centros escolares os seguintes materiais.

    • Guía e carteis da exposición gañadora destinada aos centros de educación infantil e primaria.

    • Guía e carteis para educación secundaria obrigatoria, bacharelato, formación profesional e ensinanzas especiais.

Cada unha destas exposicións fai un percorrido polos momentos máis significativos da biografía do autor e as múltiples facetas que desenvolveu ao longo da súa vida.

 

 

Exposición gañadora do Concurso-Exposición Letras Galegas 2015 para educación infantil e primaria

 
Guía de Primaria de Díaz Castro Carteis de Primaria de Díaz Castro

 

 

 

 

 

 

 

Exposición gañadora do Concurso-Exposición Letras Galegas 2015 para ESO, bacharelato, FP e ensinanzas especiais 

 

 

 

 

 

 

 

 

 

 

Actividades dinamizadoras dos centros

 

   

Pasa-palabra Día das Letras Galegas 2015: fiel á súa cita das Letras Galegas, o EDLG do CEIP A Ponte de Lugo proponnos un itinerario lúdico e entretido pola vida e a obra de Filgueira Valverde. Sodes quen de aceptar o reto?

 

   

 

Test de Filgueira Valverde: de novo unha proposta interactiva do CEIP A Ponte de Lugo. Con vinte preguntas poderás demostrar os teus coñecementos sobre a figura de Filgueira Valverde. Acada a máxima puntuación que poidas!

 

   

 

Filgueira Valverde: obra literaria: o blog Revolta da Freixa do IES de Teis ofrécenos unha ampla panorámica da obra de Filgueira, así como diferentes achegas que sobre el existen na rede.

 

   

 

Recursos didácticos do Seminario Galán: o Seminario Galán agasállanos cada curso cunha abondosa produción de recursos didácticos que teñen como eixe a figura homenaxeada o Día das Letras. Nesta ocasión, ademais doutros materiais, poñen á disposición da comunidade educativa unha exposición de carteis, un cuestionario sobre Filgueira Valverde e distintas actividades interactivas adaptadas ao alumnado de infantil e o primaria.

 

   

 

Letras Galegas 2015. Xosé Filgueira Valverde: no blog Mil primaveras máis do EDLG deste centro compostelán poderedes consultar unha guía didáctica sobre a traxectoria vital e profesional de Filgueira Valverde. A actividade compleméntase cunha serie de carteis alusivos á vida e á obra do intelectual pontevedrés a quen se lle dedica o Día das Letras Galegas 2015.

 

   

 

LIM Xosé Filgueira Valverde: con este divertido LIM elaborado no CEIP Plurilingüe A Magdalena das Pontes, o alumnado non só poderá coñecer máis polo miúdo a figura de Filgueira Valverde senón que tamén poderá comprobar os coñecementos adquiridos sobre o autor homenaxeado este ano o Día das Letras Galegas.

 

   

 

Vida e obra de Xosé Fernando Filgueira Valverde. Letras galegas 2015: aproveitando o potencial que Issu posúe, o EDLG do CEIP A Ponte de Lugo crea unha publicación moi visual e coidada sobre Filgueira Valverde e o seu legado.

 

   

 

Recompilación fotográfica sobre Filgueira Valverde: a Real Academia Galega e a Fundación Filgueira Valverde cedéronlle ao Seminario Galán as fotografías que se recompilan neste vídeo e que nos servirán para repasar os momentos máis salientables da vida do autor homenaxeado este ano o Día das Letras.

 

   

 

Recursos xerais

 

 

Outras iniciativas

Xornada de formación. "Xornada do Día das Letras Galegas. Filgueira Valverde". Terá lugar na Cidade da Cultura o vindeiro  sábado 9 de maio. Podes matricularte fprof -código G1402029-.

 

 

 

 

II Carreira Camiño das Letras. As secretarías xerais de Política Lingüística e de Cultura colaboran coa II Carreira Camiño das Letras, unha proba cultural e deportiva que se celebrará o sábado 16 de maio ás 17:30 horas na capital de Galicia, na véspera do día grande das Letras Galegas. Toda a información en lingua.gal e inscricións en www.carreirasgalegas.com (ata o 13 de maio).

 

 

 

Homenaxeados
2015 - Xosé F. Filgueira Valverde
2014 - Xosé María Díaz Castro
2013 - Roberto Vidal Bolaño
2012 - Valentín Paz Andrade
2011 - Lois Pereiro
2010 - Uxío Novoneyra
2009 - Ramón Piñeiro
2008 - X. Mª Álvarez Blázquez
2007 - María Mariño
2006 - Manuel Lugrís Freire
2005 - Lorenzo Varela
2004 - X. Lorenzo Fernández
2003 - Avilés de Taramancos
2002 - Frei Martín Sarmiento
2001 - Eladio Rodríguez
2000 - Manuel Murguía
1999 - Roberto Blanco Torres
1998 - Martín Códax, Mendinho e Johan de Cangas (Poetas Medievais da ría de Vigo)
1997 - Ánxel Fole
1996 - Xesús Ferro Couselo
1995 - Rafael Dieste
1994 - Luís Seoane
1993 - Eduardo Blanco Amor
1992 - Fermín Bouza Brey
1991 - Álvaro Cunqueiro Mora
1990 - Luís Pimentel
1989 - Celso Emilio Ferreiro
1988 - Ramón Otero Pedrayo
1987 – F. Herrera Garrido
1986 – A. Iglesia Alvariño
1985 - Antón Losada Diéguez
1984 – A. Cotarelo Valledor
1983 - Manuel Leiras Pulpeiro
1982 - Luís Amado Carballo
1981 - Vicente Martínez Risco
1980 - Alfonso X o Sabio
1979 - Manuel Antonio
1978 - Antonio López Ferreiro
1977 - Antón Villar Ponte
1976 - Ramón Cabanillas
1975 - X. M. Pintos Villar
1974 - Xoán Vicente Viqueira
1973 - Manuel Lago González
1972 - V. Lamas Carvajal
1971 - Gonzalo López Abente
1970 - M. Valladares Núñez
1969 - Antonio Noriega Varela
1968 - F. López Cuevillas
1967 - Manuel Curros Enríquez
1966 - Francisco Añón
1965 - Eduardo Pondal
1964 - Castelao
1963 - Rosalía de Castro

 

 

 

 

logotipo da Xunta de Galicia\
© Xunta de Galicia. Información mantida e publicada na internet pola Xunta de Galicia.
Información administrativa e atención ao cidadán  | Suxestións e queixas  | Aviso legal  | Atendémolo/a