Este ano, tamén, O galego campa!
A Secretaría Xeral de Política Lingüística e a Dirección Xeral de Xuventude organizan o curso O galego campa: ferramentas e propostas para a dinamización da lingua galega na mocidade, dirixido ao monitorado que traballa nos campamentos xuvenís de verán e, en xeral, a todas as persoas novas interesadas.
Esta formación insírese dentro do programa de dinamización lingüística O galego campa! destinado aos campamentos de verán. O obxectivo deste programa é favorecer o desenvolvemento da actividade en galego no contexto dos campamentos de verán da Xunta de Galicia e mais de facilitarlles recursos aos monitores e monitoras para a realización de actividades que animen os rapaces e rapazas a se expresaren nesta lingua.
O galego campa: ferramentas e propostas para a dinamización da lingua galega na mocidade
Número de prazas: 25
Días: sábado 31 de marzo e domingo 1 de abril de 2012
Horario: dende o sábado ás 10.30 h ata o domingo ás 13.30 h
Lugar de impartición: Albergue xuvenil de Gandarío, Bergondo, A Coruña
Formulario de inscrición no curso O galego campa!
Información sobre o Plan de formación no eido do tempo libre da Dirección Xeral de Xuventude
Contidos
1. Introdución
- A importancia da acollida
- O monitor é líder
- Os valores educativos nos campamentos
- Coidado da linguaxe
- Decálogo de boas prácticas
2. Dinámicas e rutinas habituais nos campamentos
- As rutinas: rutinas especiais, organizativas e lúdicas
- Humanizamos o espazo: a cartelería, as tendas, os espazos de expresión...
- Cantigas para os distintos momentos do día
- A música do campamento
- Xogos convencionais (de presentación, de deshinibición, cooperativos)
- As veladas e as festas de fin de campamento
3. Propostas lúdicas para traballar coas palabras
- Ideas para obradoiros e actividades arredor da lingua
- Materiais e recursos dispoñibles en galego para o lecer e a mocidade
4. O galego campa
- O disco O desaparafusador de gominola
- Proposta de actividades ao redor das cancións do disco
5 O traballo lingüístico nas actividades deportivas
- Proposta de actividades
- Recursos de interese
O curso é gratuíto e inclúe aloxamento e manutención. As persoas asistentes só precisan levar un saco de durmir, útiles de aseo persoal e toalla.
Materiais O galego campa! 2011
