Galicia conta cunha televisión e cunha canle de radio públicas que empregan, as vinte e catro horas do día, o galego nas súas emisións. Ambas as dúas poden seguirse ademais a través da internet ou vía satélite, aumentando públicos alén das fronteiras galegas.
Outras canles audiovisuais públicas e privadas empregan tamén o galego nas súas emisións, pero o certo é que representan unha oferta menor ao lado das que teñen o castelán como lingua vehicular. O mesmo acontece cos medios escritos: a cidadanía conta cunha ampla oferta de publicacións de temática diversa en galego, pero a maioría dos diarios están en castelán.
Ademais das dificultades de acceso á información diversificada en galego que isto supón, tal distribución contribúe a construír unha realidade lingüística falseada, na medida en que non se corresponde cos usos reais da sociedade.
.jpg)
