A Secretaría Xeral de Política Lingüística da Xunta de Galicia, a Secretaría de Política Lingüística de Cataluña e a Viceconsellería de Política Lingüística do Goberno vasco asinaron en 2007 un protocolo de colaboración para a defensa e o impulso das respectivas linguas no marco estatal e no ámbito da Unión Europea. Trátase do primeiro acordo de colaboración en materia de política lingüística subscrito entre os tres gobernos.
O protocolo nace co obxectivo de desenvolver e definir un marco de colaboración estable e permanente entre as tres administracións en materia de política lingüística, para intercambiar, contrastar experiencias e impulsar proxectos e actuacións en beneficio dunha maior igualdade social entre as linguas, sempre desde o máximo respecto ás políticas de cada goberno e ás súas especificidades. Desde o momento da súa sinatura, os tres departamentos de lingua estableceron calendarios de traballo e reunións periódicas para compartir experiencias e deseñar liñas comúns.
En 2008 adheriuse a este protocolo o Goberno das Illas Baleares.
Catalá. Secretaría de Política Lingüística da Generalitat de Catalunya
Direcció General de Política Lingüística do Goberno das Illas Baleares
Euskara. Viceconsellería de Política Lingüística do Goberno vasco
As linguas cooficiais na Administración do Estado. Consello e Oficina das linguas do Ministerio de Administracións Públicas
