Secretaría Xeral de Política Lingüística

Está vostede en Inicio

Vivir en Galego

Calendario histórico Falaredes

Galego de cine

  
Agosto

31/08/2012. Muíños. Inmediacións das instalacións do Corgo. 11.00 h – 14.00 h

Xuño

01/06/2012. Vilalba. Praza da Constitución. 17:00 h – 20:00 h
02/06/2012. Barreiros. Salón de Actos. 11:00 h – 14:00 h
03/06/2012. O Vicedo. Terraza da Casa da Cultura. 10:00 h – 13:00 h
08/06/2012. Val do Dubra. Explanada CPI de Bembibre. 17:30 h – 20:30 h
09/06/2012. Dumbría. Instalacións deportivas do Conco. 10.30 h – 13:30 h
09/06/2012. Muxía. Praza Cabo de Vila. 16:30 h - 19:30 h
10/06/2012. Lalín. Auditorio Municipal. 11:00 h – 14:00 h
10/06/2012. Vila de Cruces. Explanada do Auditorio. 16:30 h - 19:30 h
15/06/2012. O Rosal. Praza do Concello. 17:30 h – 20:30 h
16/06/2012. Tui. Rúa Colón, 2. 11:00 h – 14:00 h
17/06/2012. O Carballiño. Praza Maior. 17:00 h – 20:00 h
22/06/2012. Brión. Explanada Polivalente. 17:00 h – 20:00 h
23/06/2012. Muros. Curro da Praza. 10:30 h – 13:30 h
24/06/2012. Cotobade. Praza do Concello en Carballedo. 17:00 h – 20:00 h
26/06/2012. Padrón. Praza de Matías. 18:00 h – 21:00 h
27/06/2012. Abegondo. Campo da feira. 10:00 h – 13:00 h
28/06/2012. Boqueixón. Instalacións do Forte. 15:30 h – 18:30 h
29/06/2012. A Laracha. Explanada do IES. 17:00 h – 20:00 h
30/06/2012. Ribeira. Avenida do Malecón. 11:00 h – 14:00 h
30/06/2012. Rianxo. Praza Castelao. 17:00 h – 20:00 h

 


Calendario de Redecinema

> Datas na provincia da Coruña

> Datas na provincia de Pontevedra

> Datas na provincia de Ourense

 

Provincia da Coruña:

    07/08/2012. Cee. Xardíns do IES Fernando Blanco. 22:30 h
    09/08/2012. Oleiros. Paseo marítimo de Santa Cruz (parque Luís Seoane). 22:15 h
    13/08/2012. Boiro. Praza de Galicia. 22:00 h
    15/08/2012. Muros. Curro da Praza. 22:30 h
    16/08/2012. Teo. Praza da urbanización Braña dos Alféreces (Montouto-Cacheiras). 22:00 h
    19/08/2012. Ortigueira. Explanada da alameda. 22:30 h
    22/08/2012. Ponteceso. Praza da Ribeira, en Corme. 22:00 h
    24/08/2012. Melide. Praza do Convento. 22:00 h
    24/08/2012. Zas. Praza do Concello. 22:00 h
    26/08/2012. Arteixo. Praza do Balneario. 22:00 h
    06/09/2012. Padrón. Praza de Macías. 22:00 h
    07/09/2012. Ferrol. Praza da Constitución. 22:00 h
    08/09/2012. Santiago de Compostela. Praza da Quintana. 22:00 h
    13/09/2012. Curtis. Praza de España. 22:00 h
    14/09/2012. Betanzos. Praza da Constitución. 22:00 h
    21/09/2012. Ames. Casa da Cultura de Bertamiráns. 21.00 h
    26/09/2012. Fisterra. Explanada do Peirao. 22:00 h

    No verán… Redecinema

    No marco da planificación anual de actividades para o ano 2012, aprobado polo Consello de Membros da Rede de Dinamización Lingüística o pasado mes de decembro, a Secretaría Xeral de Política Lingüística, en colaboración coas deputacións da Coruña, Pontevedra e Ourense, pon en marcha este novo programa de cinema de verán.

    Redecinema chegará a un total de 42 localidades da Rede de Dinamización Lingüística a partir de agosto, con proxeccións gratuítas e ao aire libre do recentemente estreado filme de produción galega Vilamor.

    Vilamor foi rodada en Galicia e en galego, e estreouse en Ourense o 17 de maio, con motivo da celebración das Letras Galegas 2012. A pesar da súa curta andaina, xa colleitou o recoñecemento de dentro e de fóra de Galicia (Cannes, Nova York, Jakarta...).

    Ficha técnica do filme

    A través de Redecinema, a Secretaría Xeral de Política Lingüística e as deputacións da Coruña, Pontevedra e Ourense, no marco da súa pertenza á Rede de Dinamización Lingüística, apoian e promoven a lingua propia de Galicia e, ao tempo, a industria cultural, nomeadamente a audiovisual, galega e en galego.

    Redecinema responde a obxectivos xerais emanados do Plan xeral de normalización da lingua galega, nomeadamente os seguintes:


    Redes sociais en Galego

     

    Redes sociais en galego

    A Xunta de Galicia e, como parte dela, a Secretaría Xeral de Política Lingüística, sumouse á campaña cidadá para conseguir a tradución da rede social Twitter ao galego e, en xeral, de apoio a todas as redes sociais na nosa lingua. É unha vía máis para alcanzar os obxectivos recollidos no Plan xeral de normalización da lingua galega (PXNLG) no ámbito das tecnoloxías da información e da comunicación.

    As TIC no Plan xeral
    O PXNLG distingue tres sectores transversais de importancia estratéxica: dereitos lingüísticos, implementación do corpus e novas tecnoloxías. Con respecto ás TIC, o Plan recoñece que “a eficacia neste sector vai ser a clave do futuro da lingua galega, porque do éxito neste sector vai depender a imaxe que os galegos e os non galegos teñan desta lingua; e da imaxe da lingua depende o uso”. Os obxectivos estratéxicos que o PXNLG recolle para o sector das tecnoloxías da información e da comunicación son os seguintes:

    1. Fomentar a presenza do galego nas novas tecnoloxías
    2. Lograr unha oferta ampla e competitiva de produtos e recursos informáticos en galego
    3. Potenciar presenza da lingua galega en Internet
    4. Potenciar a investigación da tradución automática, a síntese de voz e outras novas técnicas que faciliten a opción positiva no mercado da información e da comunicación, e que aseguren a libre circulación do galegos nos sistemas avanzados da vida moderna

    As redes sociais
    A emerxencia das redes sociais e a súa integración no día a día de milleiros de persoas ao longo e largo do mundo, constitúe un cambio tecnolóxico de enorme transcendencia, porque determina novos xeitos de relacionarnos, controlar a información, facer política, educar, comprar ou vender. O galego non está nin pode estar ausente destas novas formas de facer. Estar nas redes sociais é participar no presente máis dinámico e apostar polo futuro.

    Redes sociais en galego...
    Os usuarios do Twitter , a rede social pensada para as mensaxes breves, iniciaron hai uns meses unha campaña para conseguiren unha versión en galego , que xa existe noutras plataformas deste tipo orixinadas fóra de Galicia, coma Facebook ou Tuenti . A reivindicación xurdiu cando se constatou que Twitter, seguindo os pasos de Facebook, decidiu autorizar os usuarios para faceren a tradución a linguas coma o éuscaro e o catalán, pero non ao galego. E iso a pesar de que o noso é o vixésimo segundo idioma máis empregado en Twitter e a primeira lingua que non é oficial dun Estado.

    ...Redes sociais galegas
    Outras redes sociais que funcionan en galego son as que se crearon dende Galicia. A máis veterana é Cabozo, que xurdiu no 2007 e ten actualmente arredor de 7000 usuarios. Elaborada con código propio, funciona integramente en galego e está especificamente dirixida á sociedade galega, que achega a maioría dos usuarios, aínda que tamén está aberta a persoas doutras partes de España e do mundo (Alemaña, México, Brasil, Portugal, Arxentina...). As súas funcionalidades son semellantes, ou mesmo superiores, ás que ofrecen as redes sociais internacionais. Os seus creadores, Ángel Folgueira e Antonio Mariño, explican, en declaracións a Galicia Confidencial, que comparte semellanzas con Facebook en canto á maneira de presentar os contidos, “dun xeito máis vistosos e sen limitacións”, mentres que se parece a Twitter “en canto a que tamén é unha rede máis orientada a que os usuarios sigan a outros usuarios máis polo interese que xeren os seus contidos na web que polo feito de ter unha relación previa de colegueo ou de amizade”.

    No ano 2010 creouse, a partir de código xa existente de libre distribución, a rede social Latri.ca, que segue o modelo de Twitter, aínda que con algunhas novidades. O obxectivo dos seus creadores foi ofrecerlles unha ferramenta a persoas que “tivesen un nexo de unión común, que falasen en galego ou se atopasen en Galicia, unha maneira máis sinxela de poder atopar xente máis próxima a ti”. Actualmente conta con máis de 1000 seguidores.

    Ademais destas redes sociais de carácter xeneralista, existen outras especializadas, coma Redelibros –centrada na literatura e dirixida a profesionais do ámbito literario e mais a lectores anónimos- Ikimap -que se ocupa do intercambio e das consultas de mapas de todo o mundo entre os seus máis de 4000 usuarios- ou Redeiras , unha rede social destinada ao profesorado e impulsada pola Consellería de Cultura e Educación.

    Campacontos

    Dispostos a pasar un serán de medo? Dispostos a pasar un serán de cine? Apuntádevos a Campacontos, un concurso de contos para interpretar nos seráns dos campamentos da Dirección Xeral de Xuventude e Voluntariado da Xunta de Galicia.

    Se queredes participar, só tendes que formar un grupo de 4 rapaces/rapazas e mais un monitor ou monitora, inventar unha historia, interpretala no serán do campamento, gravala e enviala a campacontos@gmail.com. Ademais de pasalo ben, podedes gañar un mp4.

    Consultade as bases e animádevos a participar!

    Galgo Mac

    Instrucións

      1. Descargue o arquivo “Galgo_es.pkg” para a versión de Office en español ou “Galgo_en.pkg ” para a versión de Office en inglés. Unha vez executado, siga as seguintes instrucións. Para máis información, consulte o manual de axuda.

    Galgo para Windows

    Instrucións:

      1. Descargue o arquivo “Instalar Galgo 2.0.exe”. Unha vez executado, siga as seguintes instrucións. Para máis información, consulte o manual.

      Para poder levar a cabo a instalación do Galgo, é necesario ter permisos de administrador. No caso de que a instalación a realice un usuario ou usuaria sen permiso de administración, o instalador pediranos o contrasinal para poder realizala.

      2. Instalar a barra de ferramentas. Executar o “Selector”, que aparecerá no grupo de programas “imaxinGalgo”. Para a execución do “Selector”, recoméndaselle á persoa usuaria que peche todos os programas de Microsoft Office.

      Cando executamos o “Selector”, aparece unha pantalla na que o usuario ou a usuaria deberá marcar a casa de verificación no caso de que esta non apareza marcada. Este proceso instalará a barra de ferramentas do Galgo en Word para o perfil do usuario.

      O “Selector” tamén nos servirá para desinstalar a barra de ferramentas cando queiramos prescindir do Galgo.

    Execución do corrector:

    • Microsoft Office Word 2003: unha vez instalado, aparecerá a icona do Galgo 2.0 na barra de ferramentas.
    • Microsoft Office Word 2007: unha vez instalado, aparecerá a icona do Galgo 2.0 no separador “Suplementos”.
    • Microsoft Office Word 2010: para que Galgo 2.0 se poida utilizar nos ordenadores con Microsoft Office Word 2010, é necesario que o usuario ou a usuaria autorice a execución de macros cando se lle solicite. Debe premerse o botón “Activar contido”. A seguir, encontraremos a icona do Galgo 2.0 no separador “Suplementos”.

    Sobre Galgo

    Preguntas:

    Galgo

    BENVIDOS Á WEB DO CORRECTOR DE GALEGO IMAXIN GALGO 2.0 ©

    O corrector imaxin Galgo é o primeiro corrector que soluciona non só erros de carácter tipográfico e ortográfico, senón tamén léxicos, que se poden atopar en textos escritos en galego.

    Esta nova versión de imaxin Galgo actualiza e mellora esta ferramenta, pensada para a análise dos problemas de carácter ortográfico e léxico que poidan aparecer en textos escritos en galego.

    Melloras incorporadas nesta versión:

    • Adaptado á norma da Real Academia Galega (2003).
    • Actualizado para as novas versións de Microsoft Word para Windows 
      • Window XP, Windows Vista e Windows 7 (32 e 64 bits).
      • Word de MS Office 2003, MS Office 2007 e MS Office 2010 (32 e 64 bits).

    • Versión para Microsoft Office de MAC 
      • A actual versión do Galgo para a plataforma Mac funciona para os seguintes sistemas operativos: Mac OS Snow Leopard e Mac OS Lion.
      • Microsoft Word de Office:mac 2011.

     
    O CORRECTOR

    Integración nos procesadores de texto estándar


    Lingua de namorar: mensaxes da categoría B

    199 A historia do lume
    A nosa historia permanece coma o sangue no parche dos pandeiros. Como as olladas desde o asento do copiloto. O atropelo dos botóns na penumbra. O sixilo da pantera ou a ferocidade dun idioma. Bícasme e consegues a percusión e as viaxes. Algo sísmico, un alalá queima entre as nosas mans e o mundo.


    198 Esta noite seremos auga
    El camiñaba solitario pola beira do mar. Non había ninguén máis nesa praia, onde o silencio e o bater das ondas pelexaban durante unha noite máis. De súpeto, xurdiu entre as augas a máis fermosa das sereas. El, paseniñamente, foise acercando. Sorriu. E deixouse levar até o fondo do mar.

    197 Inmortais
    Elévame cun rozamento da túa pel.
    Ascéndeme até que chegue ao Olimpo.
    Xoga comigo.
    Fai da miña escuridade unha luzada.
    Aloumíñame.
    Enrédate no meu cabelo.
    Íspeme.
    Esquécete do tempo;
    nós somos eternos, infinitos, inmortais.
    Rompe o sono dos meus sentidos.
    Cofa a miña alma até facerme cóxegas.
    Arrelúa a túa vida coa miña.
    Ti es a miña cerna.


    196 A túa esencia
    Ese doce recendo que o teu corpo libera... Ese pracenteiro aroma que chama á porta do meu desexo, que esperta a miña luxuria, que somerxe a miña mente nunha tormenta de imaxes... imaxes nas que os nosos corpos espidos son os protagonistas... Unha fragancia que aviva o meu lume... o meu anhelo por unilos nosos corpos... Sentíndonos un...

    195 Vinte e dous de marzo
    Daniela, hoxe fai tres anos, que comezamos xuntos unha viaxe, na procura de soños, momentos, sentimentos... que endexamais poderei esquecer. Mais, esta odisea polas galaxias dos sentidos non fixo máis que comezar, e non quero compartila con ninguén que non sexa a muller que fai hoxe tres anos, foi capaz de palpar o meu corazón con só, unha mirada.

    194 Por que te quero?
    Porque dende que estás ata a choiva me aleda, porque un paseo vólvese máxico e unha conversa eterna. Por todo e por nada a un tempo. Por un bico. Polos teus tesouros. Porque te levei a meu lugar segredo e ti declaráchesme o teu amor. Por seres ti.


    Distribuir contido

logotipo da Xunta de Galicia\
© Xunta de Galicia. Información mantida e publicada na internet pola Xunta de Galicia.
Información administrativa e atención ao cidadán  | Suxestións e queixas  | Aviso legal  | Atendémolo/a