INSTRUCIÓNS PARA A ADXUDICACIÓN DAS PRAZAS DE RESULTAS

De acordo co regulado no artigo 9 da Orde do 7 de abril de 2017 pola que se regula a oferta de prazas xuvenís dentro do programa Campaña de Verán 2017, a adxudicación das prazas de resultas levarase a cabo da seguinte forma:

• As prazas vacantes que non se cubrisen polos procedementos de adxudicación establecidos nos artigos 6º e 8º desta orde, serán ofertadas en fase de resultas a calquera solicitante que as demande e reúna as condicións e requisitos esixidos na orde para participar na convocatoria.
• Para solicitar as prazas de resultas a persoa interesada deberá efectuar a oportuna reserva da praza, no caso de que existan vacantes, mediante chamada telefónica, aos números de teléfono activados e que se indican máis abaixo.
• A reserva de prazas poderase efectuar en horario de 9:00 a 14:00 horas, en días laborables agás os sábados.
• Cada persoa só poderá facer a reserva, como máximo, de catro prazas para catro participantes.
• Unha vez comprobada na aplicación informática a dispoñibilidade da praza solicitada, asignarase esta á persoa interesada, que disporá dun prazo máximo de 48 horas para presentar a documentación relacionada no artigo 7.

INSTRUCIÓNS ADICIONAIS:

• Para efectuar a reserva da praza será necesario coñecer para cada menor os seguintes datos:

  - Código e nome da instalación

  - Nif do Pai, nai ou titor e data de caducidade do Nif

  - Nome e apelidos do menor (e grao de discapacidade, de ser o caso)

  - Enderezo, localidade, código postal e Provincia

  - Un teléfono de contacto

  - Data de nacemento do menor

   

• Non se permitirán as solicitudes con datos ficticios ou erróneos co fin de reservar praza para amigos ou achegados. O Nif do pai, nai ou titor proporcionado será o que conste para calquer tipo de reclamación ou responsabilidade sobre o menor.
• O solicitante deberá comprobar previamente e solicitar aqueles códigos nos que o menor cumpre os requisitos de idade das intalacións.