INSTRUCIÓNS PARA A ADXUDICACIÓN DAS PRAZAS DE RESULTAS

De acordo co regulado no artigo 10 da Orde do 21 de febreiro de 2011 pola que se regula a oferta de prazas xuvenís dentro do programa Campaña de Verán 2011, a adxudicación das prazas de resultas levarase a cabo da seguinte forma:

As prazas vacantes que non se cubrisen polos procedementos de adxudicación establecidos nos artigos 7º e 9º desta orde, serán ofertadas a partir do día 6 de xuño.
Para estes efectos, poderán solicitar as prazas vacantes toda persoa que cumpra as limitacións de idade ás que se fai mención no artigo 3º desta orde.
Para solicitar as prazas de resultas, o interesado poderá efectuar a oportuna reserva da praza, no caso de que existan vacantes, nos teléfonos activados e abaixo indicados, correspondentes aos servizos de Xuventude e Voluntariado dos departamentos territoriais da Consellería de Traballo e Benestar, ou da Dirección Xeral de Xuventude e Voluntariado.
Cada persoa só poderá facer a reserva, como máximo, de catro prazas para catro participantes.
A reserva de prazas poderase efectuar en horario de 9:00 a 14:00 horas, en días laborables agás os sábados.
Unha vez efectuada a reserva de praza, o interesado disporá dun prazo máximo de 48 horas para presentar o impreso que se indica no anexo II desta orde debidamente cuberto, e a documentación relacionada no artigo 8º.
Esta documentación poderá presentala en calquera das oficinas anteriormente relacionadas. En caso contrario, perderá o dereito á praza reservada.

INSTRUCIÓNS ADICIONAIS:

Para efectuar a reserva da praza será necesario coñecer para cada menor os seguintes datos:

- Código e nome da instalación

- Nif do Pai, nai ou titor e data de caducidade do Nif

- Nome e apelidos do menor

- Enderezo, localidade, código postal e Provincia

- Un teléfono de contacto

- Nome e apelidos do menor

- Data de nacemento do menor

Non se permitirán as solicitudes con datos ficticios ou erróneos co fin de reservar praza para amigos ou achegados. O Nif do pai, nai ou titor proporcionado será o que conste para calquer tipo de reclamación ou responsabilidade sobre o menor.

O solicitante deberá comprobar previamente e solicitar aqueles códigos nos que o menor cumpre os requisitos de idade das intalacións.

Teléfonos para a adxudicación das prazas de resultas
*Servizo de Xuventude de Ourense:*
988 38 61 16 - 988 38 61 20
*Servizo de Xuventude de Lugo:*
982 29 45 99 - 982 29 43 52 - 982 29 43 53 - 982 29 43 51 - 982 29 43 01 - 982 29 42 24 - 982 - 29 49 23 - 982 29 42 51
*Servizo de Xuventude de Vigo:*
986 81 70 78 - 986 81 70 79 - 986 81 70 80 - 986 81 72 98 - 986 81 77 81 - 986 81 76 56 - 986 81 77 82 - 986 81 77 80
*Servizo de Xuventude de A Coruña*
881 88 12 40 - 881 88 12 41 - 881 88 12 43 - 881 88 12 44
*Dirección Xeral de Xuventude e Voluntariado:*
981 54 48 40 - 881 99 90 25 - 981 54 48 51


Prazas libres na actualidade

As prazas libres publicaranse próximamente.