O Pleno da Corporación, na sesión que tivo lugar o 17-9-2004, adoptou o seguinte acordo:

«Primeiro.-Prestar aprobación definitiva ao Plan Especial de Reforma Interior da Unidade de Actua

ción número 34 do Plan Xeral de Ordenación Urbana deste termo municipal -rúas Loureiro Crespo e José Malvar Figueroa- formulado, mediante iniciativa particular, por Construcuatro, S.A., e redactado polo arquitecto Eugenio Jiménez Passolas e Gustavo Pérez Álvarez con visado da delegación en Pontevedra do Colexio Oficial de Arquitectos de Galicia con data do 21-7-2004, que reforma e corrixe exclusivamente, respecto do documento exposto a información pública e visado o 10-7-2003, a identidade da promotora actual nos seus documentos, o emprazamento da edificación complementaria ao parque contabilizada no aproveitamento lucrativo privado e as tramas diferenciadoras de espazos libres e zonas verdes.

Segundo.-Notificar este acto administrativo ás entidades mercantís Lar de Pontenova I, S.L. e Promociones Garrido y Barros, S.L., afectadas polo ámbito do PERI e organismos interesados co ofrecemento do réxime procedente de recursos, con comunicación á Consellería de Política Territorial, Obras Públicas e Vivenda nos termos do artigo 92 LOUGA, dándoselle traslado dunha copia autenticada de dous exemplares do instrumento aprobado definitivamente con todos os planos e documentos que integran o plan sobre os que recaese o acordo de aprobación definitiva, debidamente dilixenciados pola Secretaría Xeral do Concello, facendo constar a dita circunstancia.

Terceiro.-Dispoñer a publicación de anuncio do acordo de aprobación definitiva no Diario Oficial de Galicia facendo constar a remisión da documentación á consellería, e a publicación do documento que conteña a normativa e as ordenanzas no BOP para lograr a súa eficacia e executividade, de acordo co establecido na lexislación de réxime local, concretamente artigos 70.2º e 65º LRBRL».

Faise constar expresamente que se remitiu a documentación á que se refire o artigo 92.3º da Lei 9/2002 á CPTOPV, tendo entrada nese organismo con data do 2-12-2004.

O que se fai público para a súa executividade, significándose que contra este acto, que esgota a vía administrativa, poderase interpor directamente por quen se considera lexitimado o recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia no prazo de dous meses, contados desde o día seguinte ao da publicación do texto íntegro da disposición impugnada, consonte co establecido nos artigos 10.1º.6 e 46.1º da Lei 29/1998, do 13 de xullo, regulamentadora da xurisdición contencioso-administrativa.

Non obstante, tamén se poderá interpoñer calquera outro recurso que os interesados estimen procedentes conforme dereito, significándole que o artigo 107.3º da Lei 30/1992, de réxime xurídico das administracións públicas e do procedemento administrativo común, segundo a redacción dada pola Lei 4/1999, de modificación da anterior, non admite a interpo

sición de recursos en vía administrativa contra as disposicións administrativas de carácter xeral.

Pontevedra, 9 de decembro de 2004.

P.D.

Xosé Cesáreo Mosquera Lorenzo

Tenente alcalde-delegado da Área

de Urbanismo e Medio Ambiente

Julio Dapena Outomuro

Secretario xeral