O Pleno da Corporación, na sesión de dezanove de novembro de dous mil catro, prestou aprobación definitiva ao proxecto de modificación puntual do catálogo do Plan especial de protección, reforma interior e conservación artística do conxunto histórico de Pontevedra, na súa ficha 5-54-2, elemento denominado Edificio Sarmiento: convento e edificios acaroados. Museo e arquivo provincial, sito nas rúas Padre Amoedo e Sarmiento, redactado polo arquitecto xefe da Oficina Técnica de Planeamento e Xestión Urbanística, Carlos García Velasco, datada o 27 de abril de 2004, modificando o nivel de protección do edificio, de monumental a integral no convento e ambiental categoría C nos acaroamentos, coas restantes determinacións que se recollen na ficha modificada elaborada. Así mesmo, dispúxose publicar este acordo na forma legalmente establecida con comunicación ás administracións públicas, entidades e personas interesadas con ofrecemento do réxime de recursos procedente.
De conformidade co disposto no artigo 92.3º da Lei 9/2002, do 30 de decembro, de ordenación urbanística e protección do medio rural de Galicia (DOG
do 31 de decembro), deuse traslado á Consellería de Política Territorial, Obras Públicas e Vivenda, tendo entrada nese organismo en data 16-12-2004.
O que se fai público para a súa executividade, significándose que contra este acto, que esgota a vía administrativa, poderase interpor directamente por quen se considere lexitimado o recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia no prazo de dous meses, contados desde o día seguinte ao da publicación do texto íntegro da disposición impugnada, consonte o establecido nos artigos 10.1º.6 e 46.1º da Lei 29/1998, do 13 de xullo, regulamentadora da xurisdición contencioso-administrativa.
Non obstante, tamén se poderá interpor calquera outro recurso que os interesados consideren procedentes consonte o dereito, significándolle que o artigo 107.3º da Lei 30/1992, de réxime xurídico das administracións públicas e do procedemento administrativo común, segundo a redacción dada pola Lei 4/1999, de modificación da anterior, non admite a interposición de recursos en vía administrativa contra as disposicións administrativas de carácter xeral.
Pontevedra, 7 de xaneiro de 2005.
P.D.
Xosé Cesáreo Mosquera Lorenzo
Tenente alcalde delegado da Área de Urbanismo
Julio Dapena Outomuro
Secretario xeral