Mediante o Decreto 173/2011, do 4 de agosto, aprobouse o estatuto da Axencia Galega de Infraestruturas, ente instrumental da Administración autonómica que asumirá as competencias atribuídas á Dirección Xeral de Infraestruturas e aos correspondentes servizos das xefaturas territoriais.
A constitución da axencia prodúcese coa realización da sesión constitutiva do Consello Reitor, órgano colexiado de goberno, integrado pola Presidencia (que lle corresponde ao conselleiro), a Vicepresidencia (que exercerá a persoa titular da Dirección da Axencia) e catro vogais.
Os vogais son designados polas persoas titulares das consellerías competentes en materia de administracións públicas (1), facenda (1) e infraestruturas (2). O nomeamento destes vogais e o dos seus suplentes corresponde á persoa titular da consellería competente en materia de infraestruturas.
Unha vez feitas as devanditas designacións, cómpre facer o seu nomeamento, que, para xeral coñecemento, se publicará no Diario Oficial de Galicia.
Por outra parte, disponse que as funcións asignadas á dirección da Axencia sexan exercidas pola directora xeral de Infraestruturas, temporalmente e ata que se produza o nomeamento do seu titular.
Por todo isto, en virtude das atribucións que me confire a Lei 1/1983, do 22 de febreiro, de normas reguladoras da Xunta e da súa Presidencia,
DISPOÑO:
Primeiro. Noméanse vogais do Consello Reitor da Axencia Galega de Infraestruturas as seguintes persoas:
a) En representación da consellería con competencias en materia de administracións públicas:
– Vogal titular: Beatriz Cuiña Barja, secretaria xeral técnica da Consellería de Presidencia, Administracións Públicas e Xustiza.
– Vogal suplente: María de los Milagros Blanco Aller, subdirectora xeral de Xestión Económico-Administrativa da Consellería de Presidencia, Administracións Públicas e Xustiza.
b) En representación da consellería con competencias en materia de facenda:
– Vogal titular: Manuel Galdo Pérez, director xeral de Política Financeira e Tesouro da Consellería de Facenda.
– Vogal suplente: Rosa María Pedrosa Pedrosa, secretaría xeral técnica e do Patrimonio da Consellería de Facenda.
c) En representación da consellería con competencias en materia de infraestruturas:
– Vogais titulares: María Encarnación Rivas Díaz, secretaria xeral de Ordenación do Territorio e Urbanismo, da Consellería de Medio Ambiente, Territorio e Infraestruturas, e José Antonio Fernández Vázquez, secretario xeral técnico da mesma consellería.
– Vogais suplentes: Miguel Rodríguez Bugarín, director xeral de Mobilidade da Consellería de Medio Ambiente, Territorio e Infraestruturas, e José Antonio Domínguez Varela, vicesecretario xeral da mesma consellería.
Segundo. Encoméndaselle temporalmente á directora xeral de Infraestruturas o exercicio das funcións asignadas á Dirección da Axencia Galega de Infraestruturas, ata o nomeamento da persoa titular da dirección desta entidade.
Santiago de Compostela, 18 de outubro de 2011.
Agustín Hernández Fernández de Rojas
Conselleiro de Medio Ambiente, Territorio e Infraestruturas