A Dirección de Augas de Galicia, como órgano de contratación, ao abeiro da Resolución do 30 de xaneiro de 2012, de delegación de competencias ditada pola presidencia do organismo e de acordo co establecido no Decreto 32/2012, do 12 de xaneiro, polo que se aproba o estatuto da entidade pública, e para os efectos previstos na normativa da Unión Europea reguladora dos fondos europeos en relación coa obriga de información e publicidade das actuacións cofinanciadas polos ditos fondos, procede a dar publicidade ao servizo que a continuación se relaciona en previsión do seu cofinanciamento pola Unión Europea:
1) Entidade adxudicadora:
Organismo: Augas de Galicia (antes Empresa Pública de Obras e Servizos Hidráulicos).
Tipo de contrato: servizo.
Tramitación: ordinaria.
Procedemento: negociado sen publicidade cun único criterio de valoración (prezo) e non suxeito a regulación harmonizada.
Valor estimado do contrato: coincide co importe neto do orzamento base de licitación.
Vantaxes da oferta do adxudicatario: proposición economicamente máis vantaxosa de entre os licitadores admitidos ao procedemento de adxudicación, mediante a aplicación do criterio de valoración (prezo máis baixo) establecido no prego de cláusulas administrativas particulares.
2) Obxecto do contrato: servizo.
Descrición: redacción dos proxectos de melloras no saneamento das parroquias de Padróns, Prado e Pías (Ponteareas) e conexión dos municipios de Mondariz, Mondariz Balneario e Ponteareas a través da senda fluvial do río Tea.
Número de expediente: AT/185.
CPV (referencia de nomenclatura): 71.311220-9.
Medio e data de publicación de licitación: no perfil do contratante o 18 de abril de 2011.
Orzamento base de licitación: importe neto: 59.995,00 euros. Importe total: 70.794,10 euros.
Data de adxudicación: 27 de maio de 2011.
Importe de adxudicación: importe neto: 59.900,00 euros. Importe total: 70.682,00 euros.
Data de formalización do contrato: 15 de xuño de 2011.
Contratista: Ingeniería Insitu, S.L.
3) Cofinanciamento da Unión Europea.
A actuación referida no punto 2) prevé o seu cofinanciamento pola Unión Europea a través do Fondo Europeo de Desenvolvemento Rexional (Feder) nunha porcentaxe dun setenta e cinco por cento (75%), no marco da 2ª convocatoria do Programa operativo de Cooperación Transfronteiriza España-Portugal (POCTEP) 2007-2013, dentro do proxecto Impulso dunha rede intercomunitaria de excelencia ambiental mediante a rehabilitación de ecosistemas fluviais naturais con fins turísticos 0476_AQUATURNAT_1_E. O proxecto contribúe a reducir as disparidades sociais e económicas dentro da Unión Europea. Investimos no seu futuro. Unha maneira de facer Europa.
Santiago de Compostela, 26 de xuño de 2012
P.D. (Resolución 30.1.2012; DOG nº 21, do 31 de xaneiro)
Francisco Menéndez Iglesias
Director de Augas de Galicia