Conforme o establecido no artigo 10 da Orde do 14 de marzo de 2012, da Consellería de Presidencia, Administracións Públicas e Xustiza, pola que se aproban as bases reguladoras da concesión de subvencións para a execución de proxectos de acción humanitaria no exterior e se procede á súa convocatoria para o ano 2012, publícase no Diario Oficial de Galicia a relación das concedidas con indicación das entidades beneficiarias, contía, país de execución do proxecto e finalidade.
Na súa virtude,
RESOLVO:
Publicar no Diario Oficial de Galicia as axudas concedidas a través das tres resolucións emitidas polo director xeral de Relacións Exteriores e coa Unión Europea, por competencia delegada en virtude da orde de convocatoria, de conformidade co artigo 3.4 da Orde do 22 de setembro de 2011:
– Resolución do 19 de abril de 2012 pola que se aproba a concesión da subvención á organización Asamblea de Cooperación por la Paz, por importe de setenta mil euros (70.000 €).
– Resolución do 22 de maio de 2012 pola que se aproba a concesión das subvencións ás organizacións Farmacéuticos Mundi e Fundación Entreculturas Fe y Alegría, por importe total de noventa e nove mil cincocentos corenta euros con noventa céntimos (99.540,90 €).
– Resolución do 15 de xuño de 2012 pola que se aproba a concesión das subvencións ás organizacións Fundación CUME para el Desarrollo de Culturas y Pueblos, Solidaridade Internacional de Galicia, Médicos del Mundo e Cruz Vermella, por importe total de cento trinta mil trescentos corenta e dous euros con cincuenta céntimos (130.342,50 €).
Santiago de Compostela, 4 de xullo de 2012
Jesús Gamallo Aller
Director xeral de Relacións Exteriores e coa Unión Europea
ANEXO I
1ª Resolución do 19 de abril de 2012
Nº de expediente |
Entidade solicitante |
Denominación do proxecto |
Custo total do proxecto |
Subvención concedida |
PR 811A 2012-1 |
Asamblea de Cooperación por la Paz |
Mellora das capacidades de redución do risco de desastres (RRD) das comunidades de Honduras en Guayacanes; Barrios Blanco, San Antón e Pedro Justo Carrión en San Pedro de Macorís, provincia de San Pedro de Macorís, República Dominicana. |
87.222,81 € |
70.000,00 € |
ANEXO II
2ª Resolución do 22 de maio de 2012
Nº de expediente |
Entidade solicitante |
Denominación do proxecto |
Custo total do proxecto |
Subvención concedida |
PR 811A 2012-4 |
Farmecéuticos Mundi |
Mellora das condicións alimentarias e sociosanitarias da poboación do Distrito de Fafi, noreste de Kenya, con énfase na poboación máis vulnerable (mulleres e menores de 5 anos). |
52.967,73 € |
49.827,20 € |
PR 811A 2012-5 |
Fundación Entreculturas Fe y Alegría |
Programa de atención á poboación refuxiada e solicitante de asilo en Nairobi, Kenya. |
64.778,94 € |
49.713,70 € |
ANEXO III
3ª Resolución do 15 de xuño de 2012
Nº de expediente |
Entidade solicitante |
Denominación do proxecto |
Custo total do proxecto |
Subvención concedida |
PR 811A 2012- 6 |
Fundación CUME para el desarrollo de culturas y pueblos |
Axuda humanitaria a familias indíxenas en situación de extrema pobreza, damnificadas polas chuvias torrenciais, inundacións e xeadas en Ccellopampa, Apurimac, Perú. |
31.579,00 € |
30.000,00 € |
PR 811A 2012- 7 |
Solidaridade Internacional de Galicia |
Articulación comunitaria para contribuír á redución do risco de desastres no Distrito de Belle-Anse, Departamento do Sudeste de Haití. |
48.034,86 € |
32.919,50 € |
PR 811A 2012-8 |
Médicos del Mundo |
Prevención, cribaxe e tratamento dos casos de malnutrición na rexión do Sahel, Burkina Faso. |
39.391,00 € |
37.423,00 € |
PR 811A 2012- 9 |
Cruz Vermella |
Axuda humanitaria para os refuxiados burundeses e congoleños dos campos de Kasulu e Nyarugusu en Tanzania. |
167.199,00 € |
30.000,00 € |