A Orde do 12 de decembro de 2011 (DOG número 245, do 26 de decembro), estableceu, para o ano 2012, a convocatoria de axudas á paralización definitiva dos buques pesqueiros.
A devandita orde establece no seu artigo 2 que o crédito inicial poderá ser ampliado en función das dispoñibilidades orzamentarias sen que iso dea lugar a un novo prazo de presentación de solicitudes.
Tendo en conta a crise do sector pesqueiro e o esforzo por axustar a capacidade da frota aos recursos mariños dispoñibles, procede ampliar o crédito orzamentario para a concesión de axudas á paralización definitiva na convocatoria do ano 2012.
Por todo o anterior e no uso das facultades que me foron conferidas,
DISPOÑO:
Artigo único
Amplíase o importe da contía máxima das axudas que se van conceder ao abeiro da Orde do 12 de decembro de 2011 en 2.050.000 euros, con cargo á aplicación 16.30.723A.770.1 dos orzamentos xerais da Comunidade Autónoma de Galicia para o ano 2012. Esta modificación non dá lugar a un novo prazo de presentación de solicitudes.
Disposición derradeira única
Esta orde producirá efectos a partir do día seguinte ao da súa publicación no Diario Oficial de Galicia.
Santiago de Compostela, 9 de xullo de 2012
Rosa María Quintana Carballo
Conselleira do Medio Rural e do Mar