En sesión que tivo lugar o día 12 de setembro de 2012, o tribunal designado pola Orde do 11 de maio de 2011 para cualificar o proceso selectivo para o ingreso, pola quenda de acceso libre, na categoría 31 (legoeiro/a) do grupo IV de persoal laboral fixo da Xunta de Galicia, convocado pola Orde do 27 de decembro de 2010 (DOG número 1, do 3 de xaneiro de 2011), acordou, de conformidade co disposto nas bases da convocatoria:

Primeiro. Publicar como anexo a esta resolución a relación dos aspirantes que superaron o proceso selectivo por orde da puntuación acadada e con indicación do seu documento nacional de identidade.

Segundo. De acordo co disposto na base IV.2 da orde de convocatoria, os aspirantes dispoñen dun prazo de vinte (20) días naturais contados a partir do día seguinte ao da publicación no Diario Oficial de Galicia desta resolución para a presentación da documentación prevista nas letras a), b), c), d) e e) da citada base.

Os que tivesen a condición de persoal laboral fixo da Xunta de Galicia están exentos de xustificar documentalmente as condicións e demais requisitos xa probados para obter o seu anterior nomeamento, debendo presentar certificación da consellería ou organismo do que dependesen para acreditar tal condición, con expresión do número e importe de trienios, así como a data do seu cumprimento.

Terceiro. Elevar a dita resolución ao titular da Dirección Xeral da Función Pública para que elabore a proposta de nomeamento como persoal laboral fixo.

Cuarto. Contra esta resolución os interesados poderán interpor recurso de alzada ante a conselleira de Facenda, no prazo dun mes, contado desde o día seguinte ao da publicación desta resolución no Diario Oficial de Galicia, conforme o disposto nos artigos 114 e 115 da Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 12 de setembro de 2012

Marcos Buide Pollán
Presidente do tribunal

ANEXO
Relación de aspirantes que superaron o proceso selectivo para o ingreso na categoría 31 (legoeiro/a) do grupo IV de persoal laboral fixo da Xunta de Galicia

Quenda de acceso libre.