Unha vez realizado o acto de elección de destino definitivo previsto na Orde do 20 de marzo de 2013 (DOG núm. 60, do 26 de marzo), a que foi citado o persoal que superou os procesos selectivos para o ingreso na categoría 066 (axudante de taller, adxunto de taller) do grupo III, convocados polas ordes do 21 de febreiro de 2006 (DOG núm. 61, do 28 de marzo), esta consellería

DISPÓN:

Primeiro. Adxudicar con carácter definitivo os postos que figuran no anexo desta orde ao persoal laboral fixo da Xunta de Galicia que superou os procesos selectivos convocados polas ordes do 21 de febreiro de 2006 (DOG núm. 61, do 28 de marzo), para o ingreso na categoría 066 (axudante de taller, adxunto de taller) do grupo III, polas quendas de promoción interna e cambio de categoría, e acceso libre.

Segundo. O prazo de toma de posesión comezará a contar a partir do día seguinte ao do cesamento e será de tres días hábiles se o posto radica na mesma localidade da residencia habitual do/a traballador/a ou dun mes se radica en localidade distinta e supón un cambio efectivo de residencia debidamente xustificado.

O cesamento deberá efectuarse dentro dos tres días hábiles seguintes aos da publicación desta orde no Diario Oficial de Galicia.

Se a adxudicación comporta o reingreso ao servizo activo, o prazo de toma de posesión será dun mes e deberá computarse desde o día seguinte ao da publicación desta orde no Diario Oficial de Galicia.

Terceiro. Contra esta orde poderase interpor reclamación administrativa ante a Consellería de Facenda no prazo dun mes contado a partir do día seguinte ao da súa publicación no Diario Oficial de Galicia, de conformidade co establecido nos artigos 120 e seguintes da Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 5 de abril de 2013

Elena Muñoz Fonteriz
Conselleira de Facenda

ANEXO

Promoción interna

Acceso libre