A Orde do 30 de xullo de 1997, conxunta das Consellerías de Agricultura, Gandería e Montes e de Sanidade e Servizos Sociais, pola que se establece na Comunidade Autónoma de Galicia a normativa reguladora para a homologación de cursos de capacitación para realizar tratamentos con praguicidas, así como para a obtención do carné de manipuladores destes produtos, establece, no seu artigo 8.6, que os ministerios de Agricultura, Pesca e Alimentación e de Sanidade e Consumo comunicarán aos organismos responsables na Comunidade Autónoma a homologación dos ditos cursos e, no seu artigo 9, a obrigatoriedade de que o organismo oficial responsable publique no Diario Oficial de Galicia a información correspondente a cada curso que se vai realizar.

En consecuencia, anúnciase a realización dun curso de aplicador/manipulador de biocidas, nivel básico, homologado polas direccións xerais de Saúde Pública do Ministerio de Sanidade e Consumo e de Agricultura do Ministerio de Agricultura, Pesca e Alimentación, solicitado pola entidade Academia A Mariña, de acordo coas seguintes bases:

1. Denominación do curso: curso para a capacitación de aplicadores/manipuladores de produtos biocidas. Nivel básico.

2. Entidade organizadora: Academia A Mariña.

3. Data: do 27 ao 29 de maio de 2013.

4. Lugar de realización: Euroserum Ibérica, S.L., Monforte de Lemos (Lugo).

5. Número de prazas: máximo 30 alumnos.

6. Dirixido a: todo o persoal auxiliar das empresas que apliquen e/ou manipulen produtos biocidas.

7. Criterios de selección: por rigorosa orde de recepción da solicitude de inscrición.

8. Presentación de solicitudes: solicitude segundo modelo anexo.

9. Programa:

Día 27.5.2013
9.00-11.15 h	Biocidas. Descrición e xeneralidades.
11.15-13.00 h	Riscos para o home derivados da utilización dos praguicidas.
16.00-19.00 h	Xeneralidades sobre pragas ambientais e da industria alimentaria e os métodos de loita antivectorial. Técnicas de aplicación dos biocidas.
Día 28.5.2013
9.00-11.15 h	Praguicidas e ambiente. Problemas que presentan. Destrución de envases.
11.15-13.00 h	Hixiene e seguridade no seu manexo e aplicación.
16.00-19.00 h	Prácticas sobre o terreo en campo de árbores froiteiras. Técnicas de aplicación de biocidas. Preparación de disolucións.
Día 29.5.2013
9.00-11.15 h	Prevención, diagnóstico e primeiros auxilios no caso de intoxicación por praguicidas.
11.15-13.00 h	Prácticas: primeiros auxilios ante a intoxicación por biocidas
16.00-19.00 h	Interpretación de pictogramas e etiquetas. Repaso xeral. Realización do exame.

10. Certificado de superación do curso: é obrigatoria a asistencia a todas as sesións do curso. Finalizado este, a entidade organizadora realizará as probas pertinentes que avalíen os coñecementos adquiridos polos alumnos e, en caso de superalas, expedirá o certificado correspondente co que poderá solicitar á Dirección Xeral de Innovación e Xestión da Saúde Pública da Consellería de Sanidade, o carné de aplicador/manipulador de biocidas, nivel básico.

Santiago de Compostela, 30 de abril de 2013

Sonia Martínez Arca
Directora xeral de Innovación e Xestión da Saúde Pública

ANEXO
Ficha de solicitude de inscrición
Curso para a capacitación de aplicadores/manipuladores de produtos biocidas. Nivel básico

Entidade organizadora: Academia A Mariña.

Datas: do 27 ao 29 de maio de 2013.

Lugar de celebracion do curso:

Euroserum Ibérica, S.L., Monforte de Lemos (Lugo).

Duración: 20 horas teórico/prácticas e 1 hora de exame.

Horario: das 9.00 ás 13.00 h e das 16.00 ás 19.00 horas.

Nº de prazas: máximo 30 alumnos.

Presentación de solicitudes:

Enviarase a ficha de inscrición a Academia A Mariña, avenida Arcadio Pardiñas, 44, entresollado, 27880 Burela (Lugo) a atención de Ramón Hermida Pumares.

Teléfono: 982 58 50 98, Fax: 982 57 51 01, correo electrónico: formacion@amarina.org,
acompañada de: fotocopia do DNI, copia da folla de inscrición e xustificante de ingreso de 273 €/alumno na conta Academia A Mariña de Nova Galicia Banco co número
2080 0109 17 3040018023.

Criterio de selección:

Por rigorosa orde de recepción da solicitude xunto co xustificante de pagamento.

Nome e apelidos............................................................................................................

Data de nacemento........................................................................................................

NIF/DNI..........................................................................................................................

Enderezo........................................................................................................................

CP..................................................Localidade...............................................................

Tel..................................................correo electrónico....................................................