DOG 143 do 29/07/2013 - RESOLUCIÓN do 24 de xullo de 2013, da Dirección Xeral da Función Pública, pola que se fan públicas as puntuacións provisionais dos participantes admitidos no concurso para a provisión de postos de traballo vacantes na Administración especial da Xunta de Galicia, convocado pola Orde da Consellería de Facenda do 28 de novembro de 2012.

IV. Oposicións e concursos

Consellería de Facenda

RESOLUCIÓN do 24 de xullo de 2013, da Dirección Xeral da Función Pública, pola que se fan públicas as puntuacións provisionais dos participantes admitidos no concurso para a provisión de postos de traballo vacantes na Administración especial da Xunta de Galicia, convocado pola Orde da Consellería de Facenda do 28 de novembro de 2012.

Convocado o concurso para a provisión de postos de traballo vacantes na Administración especial da Xunta de Galicia, á vista da proposta do 22 de xullo de 2013, da comisión encargada de valorar os méritos achegados polos concursantes e de conformidade coa base VII.1 da convocatoria, esta dirección xeral

RESOLVE:

Primeiro. Facer públicas as relacións coas puntuacións provisionais dos concursantes admitidos para cada un dos postos solicitados. Estas relacións atópanse á disposición dos interesados no Servizo do Rexistro Xeral e Información da Vicepresidencia e Consellería de Presidencia, Administracións Públicas e Xustiza, nas oficinas do Rexistro e Información dos edificios administrativos da Xunta de Galicia, nas oficinas comarcais da Xunta de Galicia e na páxina web da Xunta de Galicia (www.xunta.es) na epígrafe Función Pública.

Segundo. Os interesados poderán formular reclamación contra as puntuacións provisionais no prazo de 10 días hábiles contados a partir do día seguinte ao da publicación desta resolución no Diario Oficial de Galicia.

Santiago de Compostela, 24 de xullo de 2013

José María Barreiro Díaz
Director xeral da Función Pública