No Boletín Oficial da provincia de Lugo número 186, do 14 de agosto de 2013, publícanse integramente as bases reguladoras do acceso a unha praza de funcionario interino, auxiliar de Administración xeral, do Concello de Ribadeo.
De conformidade co previsto na base 7ª das referidas bases, o prazo para presentación de solicitudes será de vinte días naturais contados a partir do seguinte a aquel en que apareza publicado o extracto de convocatoria no boletín oficial correspondente (DOG).
Os sucesivos anuncios realizaranse no Boletín Oficial da provincia de Lugo e no taboleiro de anuncios do Concello de Ribadeo.
Ribadeo, 14 de agosto de 2013
Fernando Suárez Barcia
Alcalde